
2 girtiyên bi koronayê ketine rewşa wan giran e  

2020-11-21 13:31:51


	&nbsp;

	RIHA – Girtî Serhat Bûlût ê li Girtîgeha Rihayê bi rêya telefonê li malbata xwe geriya û ji malbata xwe re ragihand ku 2 girtiyên bi korona ketine rewşa wan giran e.&nbsp;

	&nbsp;

	Li Girtîgeha Rihayê ya Tîpa T, vîrûsa koronayê belav dibe û hejmara pêketiyan zêde dibe. Hat zanîn ku niha li girtîgehê 26 girtî testa wan pozîtîf derketiye.&nbsp;

	&nbsp;

	Girtî Serhat Bûlût ê li Girtîeha Rihayê ya Tîpa T dimîne bi rêya telefonê li malbata xwe geriya û têkildarî rewşa girtîgehê agahî dan. Bûlût diyar kir ku ew û hevalên xwe yên li qawîşa B3 hemû bi vîrûsa koronayê ketine. Bûlût got hin girtiyan koronayê ji ser xwe avêtiye û hin girtî jî tengezariyan dikişînin. Bûlût da zanîn ku girtî Çetîn Dagtekîn û Omer Kanat ku bi koronayê ketine rewşa wan giran e. Bûlût diyar kir ku dermankirina girtiyan baş nayê kirin û ew bi binpêkirina mafan re rûbirû mane.&nbsp;

	&nbsp;

	&nbsp;