
Menguç: Berpirsiyarê rewşa xedar AKP ye 

2020-12-10 09:16:37


	STENBOL - Hevberdevkê Komîsyona Polîtîkayên Tenduristî û Civakî Dr. Samet Menguç got: "Berpirsiyarê sereke yê rewşa tenduristiyê AKP'ya ku berjewendiyên sermayeyê diparêze bixwe ye."&nbsp;

	&nbsp;

	Ji ber ku li dijî şewba Covîd-19'ê tevdîr baş nayên girtin, pirsgirêkên heyî jî her diçe zêdetir dibin. Hevberdevkê Komîsyona Polîtîkayên Tenduristî û Civakê ya HDP'ê Dr. Samet Menguç, diyar kir ku rêya ku îqtidar di warê pandemiyê de dişibîne polîtîkayên neo-lîberal in û lewma berpirsiyarê vê rewşa xedar AKP bixwe ye.&nbsp;

	&nbsp;

	DANE TÊN VEŞARTIN&nbsp;

	&nbsp;

	Menguç, bibîr xist ku daneyên tenduristiyê ji raya giştî yên veşartin û daneyên li ber destekî tên komkirin şaş û kêm in. Menguç, bilêv kir ku îqtidar bi vî awayî kesyperestiyê dike û lewma ne tenduristiya civakê, sermayeyê diparêze û got: "Berpirssiyarê sereke yê vê rewşa xeternak, AKP'ya ku polîtîkayên aboriyê yên neo-lîberal û bejwendiyên sermayeyê diparêze bixwe ye."&nbsp;

	&nbsp;

	HELWESTA ÎQTIDARÊ YA JI BO PANDEMIYÊ&nbsp;

	&nbsp;

	Menguç, destnîşan kir ku tevdîrên di çarçoveya têkoşîna li hemberî şewbê de tên girtin kêm in û heger tevdîrên baş neyên girtin dê hejmara nexweşan û miriyan zêdetir bibe. Menguç, helwesta îqtidarê ya ji bo pandemiyê jî wekî helwesteke necidî pênase kir û got: "Bi vê ferasetê ne mimkun e ku tu li dijî şewbê bitêkoşî. Têkoşîna li dijî pandemiyê bi tsratejiyeke têkoşînî ya topyekûn pêkan e. Hêleke neteweyî û hêleke navneteweyî ya vê têkoşînê heye. Li her du qadan jî divê têkoşîneke hevpar hebe."&nbsp;

	&nbsp;

	TEVDÎR&nbsp;

	&nbsp;

	Menguç tiştên divê li dijî pandemiyê bên kirin wiha rêz kir:&nbsp;

	&nbsp;

	"* Budçe divê ji nû ve bê sererastkirin.&nbsp;

	&nbsp;

	* Xizmeta li gor asasên parastin û pêşîlêgirtinê divê.&nbsp;

	&nbsp;

	* Peymanên nexweşxaneyên bajêr û projeyên bi vî rengî giş divê bên betalkirin û bên îstimlaqkirin.&nbsp;

	&nbsp;

	* Liv û tevgera mirovan divê bê kêmkirin, liv û tevgera navendên danûstendinê divê bê kêmkirin û deverên ne mecbûrî divê heya pandemî biqede neyên xebitandin.&nbsp;

	&nbsp;

	* Pergala tenduristiyê divê bê têkûzkirin û îstihdama xebatkarên tenduristiyê bê kirin.&nbsp;

	&nbsp;

	* Parastina xebatkarên tenduristiyê bê kêmanî divê bê kirin û şert û mercên wan ên xebatê bên sererastkirin.&nbsp;

	&nbsp;

	* Testên PCR'yê divê bên berbelavkirin, karantîna û îzolasyon tam bê kirin.&nbsp;

	&nbsp;

	* Pêdiviyên mirovan divê bên peydakirin.&nbsp;

	&nbsp;

	* Dewlet divê zexîre, ceryan, av û hêwirandinê bêheq peyda bike.&nbsp;