Derbarê 26 siyasetmedaran de biryara dewama girtinê hat dayîn 

2020-12-14 14:41:52


	 

	ENQERE – Biryara dewama girtina Selahattîn Demîrtaş û Fîgen Yuksekdag jî di nav de 26 siyasetmedaran hat dayîn.

	 

	Hevserokên Giştî yên HDP’ê yên berê Selahattîn Demîrtaş û Fîgen Yuksekdag jî di nav de 26 siyasetmedarên HDP’yî bi îdiaya “Lêpirsîna Kobanê” ji aliyê Dadgeha Enqereyê ve hatibûn girtin. Li ser dosyeya girtina 26 siyasetmedaran lêkolîn hat kirin.

	 

	Dadgeha Cezayê Sulhê ya 6’emîn a Enqereyê li ser girtina siyasetmedar Demîrtaş, Yuksekdag, Sebahat Tuncel, Gultan Kişanak, Aysel Tûglûk û Nezîr Çakan lêkolîn hat kirin.

	 

	Dadgehê derbarê siyasetmedaran de biryara dewama girtina siyasetmedaran da.

	 

	ÎTÎRAZ HAT REDKIRIN

	 

	Parêzerên siyasetmedaran li dijî girtinê îtîrazî Dadgeha Cezayê Sulhê ya 7’emîn a Enqereyê kiribûn û dadgehê daxwaza parêzeran red kir.

	 

	Demîrtaş û Yuksekdag di 20’ê Îlona 2019’an de di çarçoveya “Lêpirsîna Kobanê” de hatibûn girtin.

	 

	DADGEHEK CUDA 20 SIYASETMEDARAN LI DOSYEYE NIHÊRÎ

	 

	20 siyasetmedarên din jî di 25’ê Îlona 2020’an de di çarçoveya “Lêpirsîna Kobanê” hatin girtin. Dadgha Cezayê Sulhê ya 4’emîn a Enqereyê li ser girtina siyasetmedaran lêkolîn pêk anî. Dadgehê piştî lêkolînê derbarê van her 20 siyasetmedaran de jî biryara dewama girtinê da. Îtîrazî biryarê li dadgeha bilindtir hat kirin, lê îtîraz dîsa hat redkirin.

	 

	 

	Navê siyasetmedarên lêkolîna girtinê li ser wan hat kirin wiha ne: Nazmî Gur, Beyza Ustun, Ayla Akat Ata, Îbrahîm Bînîcî, Emine Ayna, Bîrcan Yorulmaz, Berfîn Ozgu Kose, Dîlek Yagli, Can Memîş, Gunay Kubilay, Bulent Parmaksiz, Pervîn Oduncu, Îsmaîl Şengul, Mesut Bagcik, Ayşe Yagci, Cîhan Erdal, Zekî Çelîk, Alî Urkut, Ayhan Bîlgen, Alp Altinors.

	 

	Di çarçoveya lêpirsînê de Endama Meclîsa HDP’ê ya berê Meryem Adibellî hatibû girtin. Bi girtina Adibellî re hejmara girtiyên di çarçoveya heman lêpirsînê de hatin girtin derket 27 kesan.