
Sûriyê li NY’yê giliya Tirkiyê kir 

2020-12-15 13:04:19


	&nbsp;

	QAMIŞLO - Wezareta Karê Derve ya Sûriyeyê, li NY’yê û Konseya Ewlehiyê ya NY’yê giliya Tirkiyeyê kir û diyar kir ku li gel êrîş û dagirkeriyê, bi astengkirina sewqiyata avê ya Hesekê, Tirkiye şerê sûc dike.

	&nbsp;

	Wezareta Karê Derve ya Sûriyeyê, derbarên êrişên Tirkiyeyê yên heremê de bi nameyekê li Neteweyên Yekbûyî (NY) û Konseya Ewlehiyê ya NY’yê giliya Tirkiyeyê kir. Di nameyê de hat diyar kirin ku Tirkiyeyê sewqiyata avê ya ji bo Hesekeya ku ji milyonekê zêdetir şêniyên wê hene asteng kir û bi vê yekê sûcê şer dike.&nbsp;

	&nbsp;

	Wezaretê, ji Konseya Ewlehiyê ya NY’yê xwest ku demildest mudaxeleyî rewşê were kirin û wiha got: “Divê NY vekirina Îstasyona Avê ya Elokê ji Tirkiyeyê bixwaze. Divê Tirkiye jî dev ji êrîşên xwe yên ku mafên welatiyên Sûriyeyê sînordar dike berde.”

	&nbsp;

	JI GEL PIŞTEVANÎ

	&nbsp;

	Piştî ku hêzên paramîlîter ên Arteşa Netewî ya Sûriyeyê (SMO) û Tirkiye ketin Serekaniyê, Îstasyona Avê ya Elokê ku ava Hesekê jê tê timik tê girtin. Encama vê yekê Hesekê bi rojan bê av dimîne.

	&nbsp;

	Ji ber qeyrana avê, Meclîsa Kantona Hesekê banga seferberiyê kiri bû. Li ser vê yekê ji gelek bajarên Bakûr û Rojhilatê Sûriyeyê tankerên avê ji Hesekê re hati bûn şandin.

	&nbsp;