
Di erdheja Sêrtê de 52 jê giran 737 avahî xesar dîtine

2020-12-18 15:42:49


	&nbsp;

	SÊRT – Hat tespîtkirin ku di erdheja Sêrtê ku bi pîleya 5.1 pêk hat de de 52 jê giran 737 avahî xesar dîtine.

	&nbsp;

	Di 3’ê kanûnê de li navçeya Misircê ya Sêrtê 5 kîlometre di bin erdê de bi pîleya 5.1 erdhej pêk hatibû û li bajarên mîna Amed, Mêrdîn, Êlih, Dîlok û Şirnexê jî hatibû hîskirin. Li gundê gundê Ayder ê girêdayî bajaroka Zorqeydê malên ji kerpîçan hilweşiyabûn. Li navenda navçeyê jî di serî de Nexweşxaneya Dewletê ya Misircê xesar gihîştibû gelek avahiyan. &nbsp;

	&nbsp;

	737 AVAHÎ HATIN TESPÎTKIRIN

	&nbsp;

	Xebatên tespîtkirina xesaran ku ji aliyê Wezareta Bajarvanî û Hawirdorê ve bi 40 xebatkaran tên kirin, didomin. Di çarçoveya xebatan de heta niha hezar û 794 avahî hatine kontrolkirin. Li navenda Sêrtê, li navenda Misircê û gundên wê û li navenda navçeya Hawêlê û gundên wê 52 jê giran 737 avahî xesar dîtine.

	&nbsp;