
341 rêxistinên civakî bertek nîşanî pêşnûmeqanûna qeyûm dan  

2020-12-23 16:50:37


	&nbsp;

	STENBOL – Li Stenbolê 341 rêxistinên civakî yên sivîl teklîfa qanûna ku danîna qeyûm li ser rêxistinên civakî li Meclîsê hevdîtinên wê tên kirin şermezar kirin û diyar kirin ku teklîfa qanûnê li dijî mafê mirovan e.&nbsp;

	&nbsp;

	Li Meclîsê li ser teklîfa qanûna ku qeyûman tayînî rêxistinên civakî were kirin hevdîtin tên kirin. Komeleya Mafê Mirovan (ÎHD) a Şaxa Stenbolê, têkildarî bi pêşnûmeqanûna ku tê xwestin qeyûm tayînî ser rêxistinên civakî yên sivîl were kirin li ber avahiya komeleyê ya li Taksîmê daxuyanî da çapemeniyê. &nbsp;Hevseroka Giştî ya ÎHD’ê Eren Keskîn û gelek nûnerên rêxistinên civakî beşdarî daxuyaniyê bûn û pankarta “Civaka Sivîl nayê bêdengkirin” vekirin.&nbsp;

	&nbsp;

	Di metna daxuyaniya hat dayîn de îmzeya 341 rêxistinên civakî yên sivîl li bin heye. Ev rêxistinên civakî li dijî teklîfa qanûnê derdikevin û berteka xwe li dijî wê tînin ziman.&nbsp;

	&nbsp;

	‘QANÛN LI DIJÎ MAFÊ MIROVAN E’&nbsp;

	&nbsp;

	Eren Keskîn diyar kir ku teklîfa qanûnê ya li Meclîsê hevdîtin li serê tê kirin li dijî Destûra Bingehîn, azadiya rêxistinkirinê û peymanên mafê mirovan ên navnetewî ye û ew vê qanûnê qebûl nakin. Keskîn anî ziman ku dema ev teklîf yasayî bibe di serî de komeleyên mafên mirovan û gelek komele, weqf, komeleyên hiqûq, kmeleyên civakî û gelek sazî û dezgehên din dê bi yek îmzeyekê re bi girtinê re rûbirû bimînin. Keskîn destnîşan kir ku li Tirkiyê nêzî 120 hezar komele hene û xwest ku dev ji vê qanûna teklfîfê were berdan.&nbsp;

	&nbsp;

	&nbsp;