
Îdianameya rojnamevan Karataş amade bû: Nûçeyên wî sûc hatine dîtin  

2020-12-24 11:18:14


	ERZIROM - Îdianameya derbarê nûçegihanê me Dîndar Karataş ê li Girtîgeha Erziromê tê ragirtin de hat amadekirin. Karataş bi nûçeyên îşkenceyê û tecrîdê tê sûcdarkirin û heta 15 sal ceza jê re tê xwestin.&nbsp;

	&nbsp;

	Nûçegihanê ajansa me Dîndar Karataş di 24’ê mijdarê de li Wanê hat binçavkirin û di 26’ê mijdarê de li Erziromê ji aliyê dadgehê ve bi îdiaya “endfamê rêxistinê ye” hat girtin. Dozger îdianameya derbarê Karataş de amade kir û radestî Dadgeha Cezayê Giran a Erziromê kir. Dadgehê îdianame pejirand. Îdianame ji 17 rûpelan pêk tê û di rûpela sêyemîn de cih dane pênasekirina “Komîteya Çapameniyê ya KCK’ê” û rûpelên mayîn jî cih dane nûçeyên Karataş çêkirine û hevdîtina wî ya telefonê ya li gel çavkaniyên wî nûçeyan.&nbsp;

	&nbsp;

	NÛÇEYÊN ÎŞKENCEYÊ KIRINE SÛC&nbsp;

	&nbsp;

	Di îdinameyê de çêkirina nûçeyê derbarê Mûrat Kaya yê bavê 3 zarokan di 6’ê kanûna 2019’an de li navçeya Dutaxê ya Agiriyê k udi serdegirtina malê de hatibû kuştin wek sûc hatiye dîtin. Di îdianameyê de tê gotin ku nûçe li ser navê “rêxistina PKK û KCK’ê” hatiye çêkirin û hevdîtina bi malbata Mûrat Kaya re wek sûc hatiye nirxandin.&nbsp;

	&nbsp;

	Her wiha di îdianeyê de hatiye gotin ku nûçeya derbarê hin welatiyên li gundê Çavûş a girêdayî navçeya Qereyaziya Erziromê bi îşkenceyê re rûbirû mabûn jî kirine sûc.&nbsp;

	&nbsp;

	Her wiha di îdianameyê de nûçeyên têkildarî tecrîdkirina Rêberê PKK’ê Abdullah Ocalan û şertên li girtîgehan hatine çêkirin jî kirine babeta sûc.&nbsp;

	&nbsp;

	NÛÇEYÊN TECRÎD Û YEKÎTIYA NETEWEYÎ SÛC HATIYE DÎTIN&nbsp;

	&nbsp;

	Nûçeya rojnamevan Karataş a derbarê yekîtiya neteweyî ya kurd bi neviyê Şêx Seîd re hevpeyvîn kiriye jî wek sûc dîtine.&nbsp;

	&nbsp;

	Nûçeya Karataş a derbarê tecrîdê de ku bi endamên Meclîsa Ciwanan a HDP’ê re çêkiriye jî wek sûc hatiye dîtin.&nbsp;

	&nbsp;

	Nûçeya endamê Koma Aştiyê û Rêveberê HDP’ê yê berê Nûrettîn Tûrgût jî ku Karataş çêkiriye jî bûye mijara sûc.&nbsp;

	&nbsp;

	NÛÇEYA ÎNTÎHARÊ BÛYE SÛC

	&nbsp;

	Karataş derbarê Sînan Gencer ê di 23’yê îlona 2019’an de li Girtîgeha Wanê ya Ewlehiya Bilind de ku tê gotin întîhar kiriye de nûçeyek çêkiriye. Ev nûçeya Karataş jî wek sûc dîtine.&nbsp;

	&nbsp;

	15 SAL CEZA TÊ XWESTIN&nbsp;

	&nbsp;

	Di beşa dawî ya îdinameyê de jî bi îdiaya “endamtiya rêxistinê” hatiye xwestin Karataş ji 7 sal û nîvan heta 15 salan bi cezayê zîndanê lê were sepandin.&nbsp;

	&nbsp;

	Danişîna ewil a doza derbarê Karataş de dê di 9’ê sibata 2021’an de li Edliya Stenbolê were lidarxistin.&nbsp;

	&nbsp;

	MA / Mujdat Can&nbsp;

	&nbsp;

	&nbsp;

	&nbsp;