Velî Encu: Wê têkoşîna me ya edaletê bidome 

2020-12-28 08:22:45


	ŞIRNEX - Velî Encu yê ku du sal berê bi îdiaya "endamê rêxistinê ye" hat girtin, di daxuyaniya têkildarî salvegera Komkujiya Roboskiyê de destnîşan kir ku ew ê tekoşîna xwe ya edaletê bidomînin. 

	 

	Velî Encu, Serokê Roboskî-Derê ya ku bi KHK'ê hat girtin bû û wî di Komkujiya Roboskiyê de birayê xwe winda kir niha girtî ye. 5 sal cezayê zîndanê bi îdiaya "endamtiya rêxistinê" li Encu hatiye birîn. Encu derbarê 9'emîn salvegera qetlîamê de ji Girtîgeha Şirnexê ya Tîpa T daxuyaniyek da û wî daxwaza xwe ya edaletê dubare kir.

	 

	Tevahiya peyama ku Encu bi ajansa me parve kir wiha ye: “Neh sal berê, di 28'ê Kanûna 2011'an de, 19 jê zarok û 34 xizmên me ji ber bomberdûmana balafirên şer ên TSK'ê li ser sînorê Roboskiyê bi hovane hatin qetilkirin. Bi hatina salvegera 9'emîn a komkujiyê re ji ber ku rastî nehate eşkerekirin, kesên berpirsyar nehatin darizandin û cezakirin, dosyeya dozê hate girtin û di refikên bi toz de hatin hiştin em xemgîn kirin û êş li êşa me zêde kir.

	 

	 

	Ew baweriya me bi daraz û rêveberên dewletê nemaye. Neh sal derbas bûn, kiryarên Roboskiyê ji hêla dadweriya welêt ve nehatin dîtin û cezakirin, yên ku dibin sedem ku komkujî were nixamtin, were jibîrkirin, bikişîne nav korîdorên tarî, yên ku bi alîkariya darazê sûcdar sûcdar dikin û çekên wan digirin, dibêjin ku ew ê qanûnê sererast bikin baweriya me şikandine. 

	 

	Em ji we dipirsin, gelo reformên we êşa êşên malbatên me Roboskî, ku we bi qanûn û darazê zilm lê kir zêde nake? Dosya dozê ya ku we rakir refên bi toz dê dîsa were rakirin? Ma dê ew bêbaweriya me ya li darizandina we, têgihîştina weya dad û hêviya me ya dadperwer têr bike?

	 

	Bila edaleta ku malbatên Roboskî ev 9 sal in li bendê ne bila pêk were. Wê ev daxwaz heta roja qiyametê were ziman. Dê edaleta ku ev 9 sal in em daxwaz dikin, bang û pirsên me yên ku em dikin hawar, dê werin bersivandin? Dev ji helwesta xwe ya sê meymûnan dileyîze û nêzîkatiya xwe çewt berdin. Dev ji ker û korbûnê berdin. 

	 

	34 xizmên me hatin tunekirin. Dayikên me hêj dikin hawar û qîrîn, daxwaza wan edaletê hêj nehatiye bersivandin. Birîn û derdên wan nehatiye pêçandin. Wê ew qîrîna wan qet neqede. Heta ku edalet pêk neyê. Wê daxwaza me ya edaletê we tune bike. 

	 

	Wê ew di kîn û nefreta me de bifetisin. Hûn nikarin me bi cezakirinê, pelçiqandin û zîndanan bitirsînin. Hûn nikarin me bidin poşmankirin. Hûnê qet û qet encamê ji armanca xwe ya ku 9 sal in sepanan li ser malbatên Roboskî pêk tîne bigirin.  Em ê heta dawiyê mafdariya xwe, biryardariya xwe û têkoşîna xwe ya bi rûmet bidomînin."