Çalakiya Mexmûriyan a li dijî tecrîdê didome

2021-01-03 12:17:21


	 

	MEXMÛR - Greva birçîbûnê ya li wargeha penaberan a Şehîd Rustem Cûdî (Mexmûr) a li dijî tecrîdkirina Rêberê PKK'ê Abdullah Ocalan pêk tê, bi koma 9'an dewam dike.

	 

	Rêberê PKK'ê Abdullah Ocalan 21 salin li Girtîgeha Tîpa F a Ewlehiya Bilind a Îmraliyê tê tecrîdkirin. Girtiyên PKK'ê û PAJK'ê li dijî tecrîdê di 27'ê mijdarê de dest bi çalakiyê kiribûn. Çalakiya girtîgehan 37 roj li pey xwe hişt. Li wargeha penaberan a Şehîd Rustem Cûdî (Mexmûr) jî li dijî tecrîdkirina Rêberê PKK'ê Abdullah Ocalan çalakî didome. Mexmûrî bi koma 9'an çalakiya grevê didomînin. Greva birçîbûnê ya ji bo bidawîkirina tecrîda li Îmraliyê di 18'ê Kanûna 2019'an de dest pê kir, di roja 17'an de ye. Di merasîmê de koma 9'an dest bi dora xwe ya çalakiyê kir. Merasîma dewrgirtinê bi deqeyeke rêzgirtinê pêk hat. Di merasimê de 3 jinên Kurd ên siyasetmedar Sakîne Cansiz, Leyla Şaylemez û Fîdan Dogan bibîr anîn. Koma 9'emîn di merasima dewirgirtina çalakiyê de dirûşmên "Bijî Serok Apo", "Bijî berxwedana zindanan" û "Jin, jiyan, azadî" berz kir û çalakî dewir girtin.