
Xwendekarên Bogazîçiyê: Lêgerîna tazî îşkence ye 

2021-01-06 14:01:36


	STENBOL – Xwendekarên Bogazîçiyê ji bo balê bikişînin ser hevalên xwe yên xwendekar di binçavan de bi lêgerîna tazî re rûbirû mane daxuyanî dan û gotin lêgerîna tazî rêbazek îşkencê ye û ew ê bi biryardarî çalakiyên xwe bidomînin.&nbsp;

	&nbsp;

	Xwendekarên Zanîngeha Bogazîçiyê têkildarî hevalên xwe yên xwendekar ku tayînkirina Melîh Bûlû yê AKP’yî protesto kiribûn û hatibûn binçavkirin û bi lêgerîna tazî re rûbirû mane li avahiya Komeleya Mafê Mirovan (ÎHD) a Şaxa Stenbolê civîna çapemeniyê li dar xistin. Gelek xwendekar beşdarî civînê bûn û pankarta “Bila îşkenceya lêgerîna tazî bi dawî bibe û binçavkirî werin berdan” daliqandin.&nbsp;

	&nbsp;

	‘AKP DIXWAZE PERGALA XWE AVA BIKE’&nbsp;

	&nbsp;

	Li ser navê xwendekaran Misra Sipan a xwendekara zanîngehê axîvî û destnîşan kir ku AKP dixwaze li zanîngehan pergala xwe bixe meriyetê, tayînkirina rektorên qeyûm jî hilberîna siyaseta zext û tundiyê ye û ew rektorê qeyûm naxwazin.&nbsp;

	&nbsp;

	LI MIDURIYETA POLÎSAN LÊGERÎNA TAZÎ!&nbsp;

	&nbsp;

	Sipan anî ziman ku Melîh Bûlû di nava AKP’ê de siyaseta aktîf birêve dibe û xwendekarên xwestin li dijî wî çalakî li dar bixin bi êrişên polîsan re rûbirû mane û hatine binçavkirin. Sipan destnîşan kir ku hevalên wan xwendekar ên hatin binçavkirin li avahiya polîsan bi lêgerîna tazî re rûbirû mane û got: “Hevalên me li dijî lêgerîna tazî li ber xwe dane. Polîsan bi darê zorê wan li erdê dirêj kiriye û cilan ji wan kiriye. Li hevalên me LGBTÎ+ gefa destdirêjiyê û kuştinê hatiye xwarin û ew bi tundiya zayendeperst û fobîk a polîsan re rûbirû mane. Hevalên me li dijî her cûre zext, zordarî û tundiya zayendpereset derdikevin ne bi tenê ne û em sekna wan silav dikin.”&nbsp;

	&nbsp;

	‘LÊGERÎNA TAZÎ ÎŞKENCE YE’&nbsp;

	&nbsp;

	Sipan da zanîn ku lêferzkirina lêgerîna tazî ya îqtîdara AKP’ê û polîsên girêdayî wan rêbazek îşkence ye û ew vê rêbaza îşkenceyê û muameleya xirab li ser xwendekaran û xelkê şermezar dikin û dê rê nedin vê yekê.&nbsp;

	&nbsp;

	‘EM REKTORÊ QEYÛM NAXWAZIN’&nbsp;

	&nbsp;

	Sipan destnîşan kir ku ew ê destûrê nedin AKP’ê ku pergala xwe li zanîngehan bixe meriyetê û got: “Em rektorên qeyûm qebûl nakin. Em ê li dijî her cûre siyseta we ya zext, binçavkirin û tundiyê li ber xwe bidin û em ê zanîngehê xwe azad bikin.”&nbsp;

	&nbsp;

	‘DI BINÇAVAN DE HÊZA DEWLETÊ’&nbsp;

	&nbsp;

	Parêzer Gokhan Soysal jî destnîşan kir ku di binçavan de sepanên li dijî hiqûqê hatine kirin, yasa nehatine sepandin û destûr nehatiye dayîn ew bi miwekîlên xwe re hevdîtinê bikin. Soysal anî ziman ku ew duh bi miwekîlek xwe re hevdîtinê kiriye û miwekîl jê re gotiye polîsan gef li wan xwariye û gotiye “Polîsan berê sîlehê xwe da ser me. Hûn çawa ji dewletê re dibêjin qatil? Em ê li vir dewleta rastî nîşanî we bidin.”

	&nbsp;

	‘BERXWEDANA XWENDEKARAN PERGALÊ ACIZ KIR’&nbsp;

	&nbsp;

	Hevseroka Giştî ya ÎHD’ê Eren Keskîn jî axivî û destnîşan kir ku welat ziviriye erdnîgariya sûckirinê û ji bo dewlet sûcê xwe veşêre dixwaze zanîngehan bixe bin kontrola xwe. Keskîn diyar kir ku Zanîngeha Bogazîçiyê zanîngehek azad e û wiha got: “Lewma pergalê aciz kir. Her kes li dijî rektorek nasnameya wî eşkere ye derket. Hêj roja ewil xwendekaran wek endamên rêxistinê û rêxistinvan sûcdar kir. Hûn ji rektorek ku ciwanên li erdnîgariya xwe ditirse çi hêvî dikin…”&nbsp;

	&nbsp;

	‘BERXWEDÊR LI BOGAZÎÇIYÊ NE’

	&nbsp;

	Keskîn destnîşan kir ku serê sibê ji bo ew xwendekarên di binçavan de ne bibîne çûye Miduriyeta Polîsan û got: “Hevdîtina min hat astengkirin. Me dikaribû di salên 1990’î de miwekîlên xwe bibînin. Riha ku serî natewîne îro li Bogazîçiyê ye. Lewma jî em hemû xwendekarên Bogazîçiyê ne.”

	&nbsp;

	&nbsp;