
Ji bo berdana dayika 2 zarokan Adiyaman a 54 salî bang kirin 

2021-01-09 15:05:04


	&nbsp;

	STENBOL - Endamên ÎHD’ê, di çalakiya “Rûniştina F” de, bal kişandin ser rewşa dayika 2 zarokan Fadik Adiyaman a 54 salî û ji bo berdana wê banga kirin.&nbsp;

	&nbsp;

	Komîsyona Girtîgehan a Şaxa Komeleya Mafên Mirovan (ÎHD), bi armanca balê bikişînin ser rewşa girtiyên nexweş, çalakiya xwe ya hefteya 459’emîn a “Rûniştina F" ji ber şewba vîrûsa koronayê li ser hesabê xwe yê medya civakî li dar xist.

	&nbsp;

	Komîsyonê di çalakiya vê heftê de, bal kişand ser rewşa dayika 2 zarokan û girtiya nexweşa giran Fadik Adiyaman (54) a li Girtîgeha Jinan a Sîncan a Enqerê tê girtin.&nbsp;

	&nbsp;

	NIKARA DI GIRTÎGEHÊ DE BIMÎNE

	&nbsp;

	Endamam Komîsyonê Meral Nergîs Şahîn daxuyanî da û wiha got: “Şert û mercên girtîgehan, her roja ku diçe ji bo girtiyên nexweş girantir dibin. Dayika 2 zarokan Fadik Adiyaman a 54 salî 5 salin girtiye. Adiyaman nexweşe. Ligel vê yekê jî, Fadik sîrgûnî Girtîgeha Tîpa T a Tekîrdagê ya ku qet girtiyên siyasî lê tuneye, hat kirin. Fadik li vê derê dibin tecrîdek girankirî de ye. Xwest ku wê sewqî Girtîgeha Jinan a Bakirkoyê bikin, lê ev daxwaza wê hat redkirin. Ji ber vê yekê 75 rojan dest bi greva birçîbûnê kir. Fadik a nexweşiya tîroîdê pê re heye, di vê pêvajoyê de gelek pirsgirêkên cidî yên tenduristiyê jiyan.”&nbsp;

	&nbsp;

	Şahîn bal kişand ser şert û mercên girtîgehê û wiha got: “Adiyaman nikare di şert û mercên girtîgehê de, nikare bijî. Divê tevilê bê berdan.” Şahîn, destnîşan kir ku di vê destpêkê girtiyên di koma rîskê de û hemû girtiyên nexweş bên berdan û tavilê bên dermankirin.&nbsp;

	&nbsp;