
HDP: Em ê ji bo cezakirina Îşkencekaran têbikoşin 

2021-01-10 11:06:17


	&nbsp;

	EQNERE – HDP’ê, diyar kir ku wê ji bo cezakirina îşkencekarên ku di bin çavan de îşkence li xwendekarên Zanîngeha Bogazîçiyê kirine, têbikoşin.

	&nbsp;

	&nbsp;Alîkarê Hevserokên HDP'ê yê ji Komîsyona Mafê Mirovan û Hiqûqê Berpirsyar Umît Dede, derbarê îşkenceya ku di bin çavan de li xwendekarên Zanîngeha Bogazîçiyê hatibû kirin, daxuyaniyeke nivîskî da û bertek nîşanî Îşkenceyê da. Dede, di destpêka daxuyaniya xwe de pêvajoya serdegirtina malên xwendekaran û binçavkirina wan vegot û da zanîn ku bi piştgiriya Serokkomar û Wezîrê Karên Hundir pêkanînên dewleta polis hatine berbelavkirin.&nbsp;

	&nbsp;

	Di berdewama daxuyaniya xwe de Dede, helwesta partiya xwe ya ji bo çalakiya xwendekarên Zanîngeha Bogazîçiyê ya li dijî tayînkirina “rektorê qeyûm” Melîh Bûlû ya Zanîngeha Bôgazîçiyê dubare kir û got ku ew li cem xwendekarên zanîngehê ne.&nbsp;

	&nbsp;

	Dede, di dawiya daxuyaniya xwe de Dede, bi lêv kir ku wê pêvajoya hiqûqî ya xwendekarên ku îşkence li wan hatiye kirin bişopînin û ji bo cezakirina îşkencekaran têbikoşin.

	&nbsp;