
Dorpêça eskerî ya li çoltera Lîcê rabû 

2021-01-11 12:28:32


	AMED - Li çoltera Licê, operasyona eskerî ya piştî kuştina eskerekê û birîndarkirina 3 eskeran hatibû destkirin û gundên herêmê hatibûn dorpêçkirin, bi dawî bû. Hat diyar kirin ku liv û tevgera hewayî hîna jî li herêmê dewam dike.&nbsp;

	&nbsp;

	Hat diyar kirin ku operasyona eskerî ya li çoltera gundên Cinezur, Derxust, Hiseynik û Mişref ên girêdayî navçeya Licê ya Amedê hatibû destpêkirin bi dawî bû. Li çoltera gundên Lîcê, di 9’ê Çileyê de, şer di navgera esker û HPGİ’yan de derketibû. Di şer de eskere hatibû kuştin û 3 esker jî birîndar bibûn. Dûre li herêmê dest bi operasyona eskerî hatibû kirin. Operasyona 3 rojan dewam kir û gelek yekîneyên eskerî beşdar bûn. Di operasyonê de ketin û derketina gundan ji aliyê eskeran ve hat girtin û destûr nehat dayîn ku gundî ji malên xwe derbikevin. Hat destnîşankirin ku &nbsp;eskerên herêm dorpêç kirin, gundê bi kuştinê tehdît kirin.&nbsp;

	&nbsp;

	KESEK HAT GIRTIN&nbsp;

	&nbsp;

	Piştî ku herêm di çarçoveya operasyonê de hat dorpêçkirin, polîsan duh li taxa Mişref bi malekê de girtin, Azîze Bozkûş a 60 salî û hevjînê wê Mehmet Şah Bozkûş binçav kiribûn. Azîze Bozkûş piştî ku li Miduriyeta Polîsan a Lîcê îfade da hat berdan, lê hevjînê wê Mehmet Şah Bozkûş bi îdîaya “Endamtiya rêxistinê” hat girtin.

	&nbsp;

	YEKÎNEYÊN TAYBET BI WESAYÎTÊN SÎVÎL DIGERIN

	&nbsp;

	Hat, ragihandin ku bi paşve vekişandina eskeran re, yekîneyên taybet bi wesayîtên sîvîl li herêmê digerin û herêm bi balafirên bêmirov tên şopandin.&nbsp;

	&nbsp;

	ÎDÎAYA ÎŞKENCEYÊ&nbsp;

	&nbsp;

	Hat, diyarkirin ku welatiyên gundên hatibûn dorpêçkirin, ji aliyê eskeran ve hatine îşkencekirin. Di parvekirinên hastaga “Li Lîcê Îşkencey Heye” yên li ser medya civakî de jî, hat destnîşankirin ku îşkence û mûameleyên xirab li gundiyan hatine kirin.

	&nbsp;

	Di medya civakî de, di dîmenên bi serdegirtina malekê ku hat îdîakirin ku aydê malbata Bozkûşe de, hemû alavên malê hatine belavkirin û deriyê malê hatiye şikandin. &nbsp;

	&nbsp;

	Walîtiya Amedê, piştî ku bûyer li raya giştî belav bû, daxuyaniyek da û ev îdîa qebûl nekirin.&nbsp;

	&nbsp;