
Karkerên Cargîllê hezar roj in li ber xwe didin 

2021-01-11 14:28:37


	&nbsp;

	ENQERE - Karkerên Cargîllê yên ji ber xebatên xwe yên sendîkayî ji kar hatin derxistin, xwestin çalakiya xwe ya roja 1000'emîn li pêş Wezareta Daristan û Çandiniyê li dar bixin, lê hatin astengkirin.

	&nbsp;

	14 karkerên Cargîllê yên endamên Sendîkaya Karkerên Alîkar û Xurekê ya Tirkiyeyê (Tek Gida-Îş), xwestin çalakiya xwe ya roja 1000’emîn ku li Stenbolê berdewam dikin li pêş Wezareta Daristan û Çandiniyê dli dar bixin. Polîsan nehişt ku karkerên li avahiya Sendîkaya Tek Gida-Îş'ê hatin cem hev, ji sendîkayê derkevin.&nbsp;

	&nbsp;

	Li ser vê yekê karkeran diyar kir ku heta daxwazên wan neyên qebûlkirin dê çalakiya xwe berdewam bikin û biryar dan ku çalakiya xwe li ber Tek Gida-Îş'ê bidomînin.&nbsp;

	&nbsp;

	&nbsp;

	Şirketa navnetewî ya çandiniyê Cargîll, di 17’ê Nîsana 2018’an de, bi hinceta ku karkerên wan ên li kargeha li navçeya Orhangaziyê ya Bûrsayê dixebitîn ketine nav hewldanên rêxistinkirina sendikaya Tek Gida-Îşê, 14 karker ji kar derxistibû. Dadgeha Herêmê ya Edliyeya Bûrsayê 12 karkerên ku doz vekiribûn mafdar dîtibûn û biryara vegera wan a kar dabû. Cargîllê biryara dadgehê red kiribû û karker negirtibû kar.

	&nbsp;

	&nbsp;

	&nbsp;