
6 sal û 3 meh ceza li Serokê berê yê Baroya Amedê Aktar hat birîn

2021-01-14 13:26:54


	&nbsp;

	AMED - Li Serokê berê yê Baroya Amedê Mehmet Emîn Aktar bi îdîaya “endamtiya rêxistinê” beşdarî çalakiyên KCD’ê bûyîn, 6 sal û 3 meh cezayê girtîgehê hat birîn.&nbsp;

	&nbsp;

	Danişîna doza bi îdîayên “endamtiya rêxistinê” û “propagandeya rêxistinê kirin” a derbarê Serokê berê yê Baroya Amedê Mehmet Emîn Aktar ku bi hinceta di sala 2018’an de beşdarî çalakî û bernameyên Kongreya Civaka Demokratîk (KCD) bûyîn hatibû kirin, li 4’emîn Dadgeha Cezayê Giran a Amedê hat dîtin. Dadgehê bi hinceta Aktar beşdarî çalakiyên KCD’ê bûye, 6 sal û 3 me cezayê girtîgehê lê birî.&nbsp;

	&nbsp;

	Aktar beşdarî danişînê nebû. Parêzerên wî Resûl Tamûr û Semra Balyan di danişînê de amede bûn. Bi hinceta şewba vîrûsa koronayê, destûr nehat dayîn ku kes danişînê bişopîne.

	&nbsp;

	Parêzerê Aktar Resûl Tamûr, li dijî mutalaya dozger parastin kir. Tamûr, diyar kir ku ew parastinên xwe yên berê dubare dike û da zanîn ku delîlên di dosyeya muwekîlê wî de, ne li gorî rê û rêbazê hatine berhevkirin. Temûr, dest nîşan kir ku tu eleqeya axaftin û nivîsê maîlê yên muwekîlê wî, bi rêxistinê re tuneye û beraeta muwekîlê xwe xwest. &nbsp; &nbsp;

	&nbsp;

	‘BI PÊVANA HIQÛQÊ VE NE GIRÊDAYÎ YE’

	&nbsp;

	Parêzer Semra Balyan jî, li dijî nêrîna dozger ev parastin kir: “Di guhdarkirina muwekîlê min û şopandina wî ya teknîkê de, bêhiqûqî heye. Delîlên bi vî awayî hatine girtin, nabe ku bên esasgirtin.” Balyan, di dawiya paratina xwe de, beraeta muwekîlê xwe xwest.&nbsp;

	&nbsp;

	Dozger mutalaya xwe ya berê dubare kir û xwest Aktar bi sûcdariya “Endamtiya rêxistinê” û “Propagandeya rêxistinê kirin” bê cezakirin.&nbsp;

	&nbsp;

	6 SAL Û 3 MEH CEZAYÊ GIRTÎGEHÊ

	&nbsp;

	Dadgehê bi sûcdariya “Endamtiya rêxistinê” 6 sal û 3 meh cezayê girtîgehê li Aktar birî û ji sûcdariya “Propagandeya rêxistinê kirin” jî biryara beraetê da.

	&nbsp;

	&nbsp;