Kedkarên tenduristiyê bertek nîşan da: Em nikarin debara xwe bikin

2021-01-15 16:00:47


	 

	STENBOL - Nûnerê Kargeha Şaxa SES’ê ya Aksarayê Aydin Erol, di daxuyaniya têkildarî girebesta komkarî û diravdaniya zêde de diyar kir ku kedkarên tenduristiyê ji bo debara xwe bikin zehmetiyê dikişînin.

	 

	Şaxa Sendîkaya Kedkarên Xizmetên Civakî û Tenduristiyê (SES) ya Aksaraya Stenbolê, derbarê diravdaniya zêde û girebestiya komkarî de li pêş Fakulteya Tipê ya Cerrahpaşayê daxuyanî da çapemeniyê. Gelek kedkarên tenduristiyê beşdarî daxuyaniyê bûn. Tenduristvanan pankarta “Em ne ji nanê hişk re, ji destmize bingehîn re 2 hezar lire zema wekhev dixwazin” vekirin û dowîzên “Roj a herkesê ye, derzî jî ya herkesê ye”  û “Bila girebesta komkarî bê nûkirin” hilgirtin. Tendurîstvanan timik dirûşma “Bila girebesta komkarî bê nûkirin” berz kirin.

	 

	‘EM DI ŞERTÊN ZOR DE DIXEBITIN’

	 

	Di daxuyaniyê de Nûnerê Kargeha Şaxa SES’ê ya Aksarayê Aydin Erol axivî û diyar kir ku pandemiyê şertên wan girantir kiriye û ji ber vê kedkarên xizmeta civakî û tenduristiyê di şertên zor û zehmet de dixebitin. Erol, da zanîn ku bi destmizên niha nikarin debara xwe bikin û wiha got: “Bi destmizê ku didin me bi zorê têra kredî, fatûra û kirêyên me dike. Em bi deyn dest bi meha pêşiya xwe dikin. Bi pandemiyê xebatkarên beşa lênêrîna zêde û beşa lezgîn weke berê destmizê nagirin.”

	 

	Erol, destnîşan kir ku demekî ku ji her tiştî re zemeke zêde hatiye, ji destmizên kedkarên cemaweriyê re zemeke gelek kêm hat.