
Di doza Arslan ê DBP’î de hemû daxwaz hatin redkirin 

2021-01-27 15:22:45


	AMED - Di doza darizandina Hevserokê Giştî yê DBP’ê yê berê Mehmet Arslan de, daxwazên guhdarkirina şahidan, dahurandina axaftinên mijara sûc û rakirina şertê kontrola edlî, hatin redkirin.

	&nbsp;

	Danişîna 5’emîn a doza bi îdeaya “endamtiya rêxistinê” ya derbarê Hevserokê Giştî yê Partiya Heremên Demokratîk (DBP) yê berê Mehmet Arslan û endama Meclîsa Partiyê ya berê Harîka Peker de hatibû vekirin, li 11’emîn Dadgeha Cezayê Giran a Amedê hat dîtin. Di danişîna ku Arslan û Peker tevlî nebûn de, parêzerên wan Cemîle Tûrhalli Balsak, Şivan Cemîl Ozen û Berat Kocakaya amade bûn.

	&nbsp;

	QÛRALÊN DARIZANDINÊ HATIN BINPÊKIRIN

	&nbsp;

	Parêzera Arslan Cemîle Tûrhalli Balsak parastin kir û xwest ku kêmasiyên di dosyayê de bên temamkirin û şertê konrola edlî yê Arslan bê rakirin. Balsak, da zanîn ku îtîrazî beyanên şahidên veşartî kirine û vê rewşê qanûnên darizandina adilan binpêkiriye. Parêzerê Arslan Şivan Cemîl Ozen jî, xwest dosyeya muwekîlê wî ya li 2’yemîn Dadgeha Cezayê Giran a Xarpêtê û ya niha bikin yek û qeydên deng ên aîdê muwekîlê wî û daxuyaniyên çapemeniyê yên ku rast nehatine wergêrkirin bişînin ji kesên pispor re. Parêzerê Harîka Peker, Berat Kocakaya jî, xwest ku kemasiyên dosyayê bên temamkirin.

	&nbsp;

	DAXWAZ HATIN REDKIRIN

	&nbsp;

	Şandeya dadgehê, daxwazên guhdarkirina şahidan, dahurandina axaftinên mijara sûc û rakirina şertê kontrola edlî, red kirin. Şandeyê biryara nirxandina yekkirina dosyaya 2’yemîn Dadgeha Cezayê Giran a Xarpêtê, li benda bersivên muzekkereyên ji TEM’ê re hatine nivîsin bimînin da û danişîn taloqî 28’ê Nîsanê kir.

	&nbsp;

	&nbsp;