
Li Şirnexê jinan biryara girtina Gokkan şermezar kir 

2021-01-28 13:44:37


	&nbsp;

	ŞIRNEX – Aktîvîstên TJA'yê li dijî biryara girtina Berdevka TJA'yê Ayşe Gokkan daxuyanî dan çapemeniyê.&nbsp;

	&nbsp;

	Li Şirnexê, Tevgera Jinên Azad (TJA) û Meclîsa Jinan a HDP'ê, xwestin derbarê biryara girtina Berdevka TJA'yê Ayşe Gokkan de li ber avahiya rêxistina HDP'ê daxuyanî bidin çapemeniyê. Polîsan jinan asteng kir û xwestin ku jin çalakiya xwe betal bikin. Lê jinan astengiyên polîsan nas nekir û çalakiya xwe li dar xistin û daxuyanî dan. Di daxuyaniyê de pankarta "Dê bi berxwedana jinan iktidara mêrdewletî têk biçe" hat vekirin.&nbsp;

	&nbsp;

	'TEVGERA JINÊN KURD TÊ HEDEF GIRTIN'

	&nbsp;

	Hevseroka HDP'ê ya Şinexê Sabuha Akdag, daxuyaniya hatibû amadekirin xwendin. Akdag, diyar kir ku bi binçavkirin û girtinan dewletê dijminahiya xwe ya li hemberî jinan îlan kiriye û wiha axivî:" Îktîdara AKP û MHP'ê her roj, bi zagonên nû dijminahiya xwe ya li hemberî jinên kurd zêde dikin. Hikûmet, ji aliyekî ve êrîşên xwe yên li dijî jinan û destkeftiyên wan didomîne, ji aliyek ve jî her roj tevgera jinên kurd hedef digire. Îktîdara heyî bi binçavkirinan, girtinan dixwaze têkoşîna me bide sekinandin. Biryara girtina Berdevka TJA'yê Ayşe Gokkan û girtina aktîvîsta TJA’yê Zeynep Olbecîn xeleka dawî ya qanûna dijminane ya hikûmetê ya li dijî jinan e."&nbsp;

	&nbsp;

	Daxuyanî bi dirûşmeyên "Bijî berxwedana TJA'yê bi dawî bû".

	&nbsp;

	&nbsp;