
Qeyûm vê carê jî mizgeft û dibistan firotin 

2021-01-29 09:30:34


	&nbsp;

	MÊRDÎN – Şaredariya Bajarê Mezin a Mêrdînê ku qeyûm tayinî wê hatiye kirin, di civîna ewil a sala 2021'ê de beramberî deynên bacê mizgeftek û dibistanek navçeya Artûklûyê firot. Her wiha qeyûm trafoyê ceryanê yê şaredariyê jî dewrî DEDAŞ'ê kir.&nbsp;

	Wezareta Karên Navxweyî di 19'ê Tebaxa 2019'an de cara dudoyan qeyûm tayinî Şaredariya Bajarê Mezin a Mêrdînê kiribû. Piştî qeyûmê berê Mûstafa Yaman, Waliyê Mêrdînê Mahmût Demîrtaş tayinî şaredariyê kirinû.&nbsp;

	&nbsp;

	Qeyûm Demîrtaş, di civîna xwe ya ewil a sala 2021'ê de gelek biryar girtine. Ji ber deynên ku qeyûm xistine stuyê şaredariyê hin biryar hatine girtin.&nbsp;

	&nbsp;

	TRAFOYÊ ŞAREDARIYÊ DEWRÎ DEDAŞÊ KIR&nbsp;

	&nbsp;

	Yek ji biryarên hatine girtin jî derbarê trafoyê ceryanê yê şaredariyê de ye. Qeyûm trafoyê ceryanê yê şaredariyê dewrî DÎCLE EDAŞ'ê kir. Trafoyê şaredariyê 1600 kva bû û bi 218 hezar û 423 TL û 48 qurîşan dewrî DEDAŞ'ê hatiye kirin.&nbsp;

	&nbsp;

	DIBISTAN Û MIZGEFT FIROTIN&nbsp;

	&nbsp;

	Her wiha qeyûm Mizgefta Sadik Bey a li Taxa Diyarbakirkapi ya navçeya Artûklû û Dibistana Seretayî ya Kocatepe ya li Taxa Saraçoglû ya navçeya Artûklûyê jî firotiye.&nbsp;

	&nbsp;

	Nehatiye diyarkirin ku bê mizgeft û dibistan bi çi qasî hatine firotin.&nbsp;

	&nbsp;

	MA / Ahmet Kanbal