
Hêzên Têkoşîna Yekgirtî starta xebatên xwe dan  

2021-02-01 16:11:46


	&nbsp;

	STENBOL - Hêzên Têkoşîna Yekgirtî, berî îlankirina damezrandina xwe, di serdanên xwe yên li Kadikoyê, Şîşlî û Kuçukçekmeceyê de, bal kişandin ser girîngiya têkoşîna hevpar a ji bo serkeftinê.

	&nbsp;

	Hêzên Têkoşîna Yekgirtî, wê di 4’ê Sibatê de damezrandina xwe îlan bike. Hêzên Têkoşîna Yekgirtî berî damezrandina xwe, li navçeyên Kadikoy, Şîşlî û Kuçukçekemece yên Stenbolê, gelek serdan kirin. Hêzên Têkoşîna Yekgirtî ya ji rêveber û nûnerên Partiya Herêmên Demokratîk (DBP), Partiya Şoreşger, Partiya Sosyalîstên Bindest (ESP), Platforma Yekitiya Têkoşînê (MBP), Alinterî, Federasyona Meclîsên Sosyalîst (SMF) û Partîzan ava bû, di serdanên kirin de, starta xebatên bi gel re û bîranînê da.&nbsp;

	&nbsp;

	KADIKOY

	&nbsp;

	Hêzên Têkoşîna Yekgirtî, wê li Goristana Karacaahamet a Uskudarê bên gelhev, dê endamê Platforma Yekitiya Têkoşînê Vefa Serdar ê di heftiyên derbasbûyî de jiyana xwe ji dest da bû, endamê Partiya Karkerên Komunîst ên Tirkiyeyê (TKÎP) Umît Altantaş ê li Girtîgeha Ûlûcanlarê hatibû qetilkirin, endama Komîteya Navendî ya Çepên Şoreşger Sabahat Karataş û endamê MLKP’ê Huseyîn Demîrcîoglû yê di sala 1996’an de, di rojiya mirinê de jiyana xwe ji dest da bû, li ser gorên wan bibîr bînin.

	&nbsp;

	ŞÎŞLÎ

	&nbsp;

	Hêzên Têkoşîna Yekgirtî, dê li navçeya Şîşliyê jî, li avahiya Rêxistina HDP’ê ya Şîşliyê kom bibin û dûre wê karkerên PTT’ê yên di berxwedanê de ne ziyarat bikin. Şande, dûre wê li taxên Pangalti û Kûrtûlûş ên navçeyê dikandar û welatiyan ziyaret bikin û balê bikişînin ser krîza aborî ya ji ber polîtîkayên desthilatdariyê her ku diçe mezin dibe. Şande pişt re wê serdanên xwe dewam bike.&nbsp;

	&nbsp;

	KUÇUKÇEKMECE

	&nbsp;

	Şandeya Hêzên Têkoşîna Yekgirtî, wê li Nûnertiya HDP’ê ya Îkîtellî kom bibe. Şande, dûre wê malbata Gokhan Guneş ê hatibû revandin û dûre hatibû berdan ziyaret bike. Şande, piştre wê malbata Nûcan Aslan a ku hatibû qetilkirin ziyaret bike.

	&nbsp;