
Soylû careke din xwendekarên ku ji wan re gotibû “jirêderketî” hedef nîşan da

2021-02-02 13:15:12


	&nbsp;

	STENBOL - Wezîrê Karên Hûndir Suleyman Soylû, derbarê xwendekarên Bogazîçiyê yên hatine binçavkirin de daxuyanî da û careke din xwedekarên ku ji wan re gotibû “jirêderketî” hedef nîşan da. Miduriyeta Giştî ya Polîsan jî gotina polîsan a ‘li ber xwe binêre" qebûl nekir.

	&nbsp;

	Xwepêşandanên xwendekarên Zanîngeha Bogazîçiyê yên li dijî rektorê qeyûm Melîk Bûlû yê AKP’yî didomin. Polîsan duh du caran êrişî çalakiya xwendekaran kiribûn û 159 xwendekar binçav kiribûn. Ji xwendekaran 98 jê hatin berdan. Kirariyên îfade girtinê yên 61 xwendekaran jî li Miduriyeta Polîsan a Stenbolê didome. Gelek aliyan bertek nîşanî binçavkirina polîsan da. Wezîrê Karên Hûndir Sulayman Soylû û Miduriyeta &nbsp;Giştî ya Polîsan jî têkildarî mijarê li ser hesabên xwe yên medya civakî daxuyaniyên nû dan.

	&nbsp;

	SOYLÛ CAREKE DIN HEDEF NÎŞANDAN

	&nbsp;

	Wezîrê Karên Hûndir Suleyman Soylû, careke din li ser hesabê xwe yê twîtterê xwendekarên Bogazîçiyê yên hatine binçavkirin, bi van gotinan hedef nîşan da: "Dê ka werin çavê xwe ji LGBT’yên jirêderketî yên heqaret li Kabeya Mûazzama kirine re bigire."

	&nbsp;

	MIDURIYETA POLÎSAN QEBÛL NEKIR

	&nbsp;

	Miduriyeta Giştî ya Polîsan jî li ser hesabê xwe yê medya civakî têkildarî gotina polîsê ku ji xwendekaran re gotibû “li ber xwe binêre" daxuyanî da û angaşt kir ku polîs ji xwendekaran re gotiye “bi jêr de” biçin.&nbsp;

	&nbsp;