
Piştevaniya ji bo Bogazîçî mezin dibe

2021-02-02 14:51:31


	&nbsp;

	&nbsp;

	NAVENDA NÛÇEYAN - Piştevanî û piştgiriya ji bo xwendekarên Zanîngeha Bogazîçî yên bi tundî û êrîşên polîsan re rû bi rû ne, her ku diçe mezin dibe û belav dibe.&nbsp;

	&nbsp;

	Çalakî û nerazibûnên xwendekarên zanîngeha Bogazîçî yên tayînkirina Melîh Bulu yê weki qeyîm tayînî rektoriyê kir berdewam dike. Duh dîsa xwendekaran li Zanîngeha Bogazîçî çalakî li dar xistibû û polîsan bi tundî êrîşî xwendekaran kiribû. Polîsan di êrîşê de 159 xwendekar binçav kiribûn. Piştî tundiya polîsan û hikûmetê ya li dijî xwendekaran, piştevanî û piştgiriya nûner û rêxistinên civakî zêde dibe. Îro li Wan, Antalya, Hatay, Îstanbul û Ankarayê partî, sendîka û rêxistinên civakî û xwendekarên zanîngehan bi daxuyaniyan piştgirî dan xwendekaran.&nbsp;

	&nbsp;

	WAN&nbsp;

	&nbsp;

	Platforma Şaxan a KESK'ê ya Wanê, li dijî tayînkirina Rektorê Qeyûm Melih Bulu li avahiya sendîkayê daxuyanî dan. Endam û rêveberên Odeya Tabîban a Wan-Colemêrg, Komeleya Koçberên Serhedê, OHD, TUHAD-DER'ê amade bûn. Serokê Şaxa BES'ê yê Wanê Mehmet Ali Dundar, anî ziman ku li pişt xwendekar û malbatên xwendekaran in.&nbsp;

	&nbsp;

	ANTALYA&nbsp;

	&nbsp;

	Hêza Ked û Demokrasiyê ya Antalyayê jî bi heman armancê li pêş Peykerê Attalosê daxuyanî da. Di çalakiyê de pankarta "Em Rektorê Qeyûm naxwazin. Em li cem xwendekarên Zanîngeha Bogazîçî, zanîngeha demokratîk û welatê azad in." vekirin. Xwendekara Zanîngehê Ebru întîbay, anî ziman ku ew li cem daxwazên xwendekaran ên mafdar in û dê ji bo mafê wan têbikoşin. Întîbay, bang li hemû hêzên ked, demokrasî û mafên mirovan kir û xwest piştgiriyê bidin xwendekaran.&nbsp;

	&nbsp;

	HATAY

	&nbsp;

	Şaxa Egîtîm Sen'ê ya Hatayê jî bi heman armancê daxuyanî da. Serokê Şaxa Egîtîm Sen'ê ya Hatayê Ozgur Tiraş anî ziman ku li dijî zextên li ser zanîngeh û xwendekaran serî natewînin û xwest hemû xwendekar serbest bêne berdan.b&nbsp;

	&nbsp;

	AKADEMÎSYENÊN ZANÎNGEHA GALATASARAYÊ PIŞTGIRÎ DAN

	&nbsp;

	Akademisyenên Zanîngeha Galatasarayê jî bi heman armancê daxuyanî dan û piştgirî dan çalakiya Xwendekarên zanîngeha Bogazîçî,&nbsp;

	&nbsp;

	Li Navçeya Çankaya ya Enqere jî koma xwendekaran xwest tundiya li dijîxwendekarên Zanîngeha Bogazîçî şermezar bikin, li pêş Şaredariya Çankaya kom bûn û xwestin daxuyaniyê bidin. Lê polîsan li vir jî êrîşî xwendekaran kir.&nbsp;

	&nbsp;

	&nbsp;

	&nbsp;