
Li Hevserokê berê yê DBP’ê yê Amedê 6 sal ceza hat birîn 

2021-02-03 12:16:30


	&nbsp;

	AMED &nbsp;- Di doza darizandina Hevserokê berê yê DBP’ê yê Amedê Garîp Kandemîr de, 6 sal û 3 meh cezayê girtîgehê lê hat birîn.&nbsp;

	&nbsp;

	Danişîna biryarê ya doza bi îdîaya “endamtiya rêxistinê” derbarê Hevserokê berê yê Partiya Herêmên Demokratîk (DBP) ê Amedê Garîp Kandemîr de hatibû vekirin, li 11’emîn Dadgeha Cezayê Giran a Amedê hat dîtin. Kandemîr ê ne girtî dihat darizandin, beşdarî danişînê nebû. Parêzerê Kandemîr Hanîfî Kandemîr di danişînê de amade bû.&nbsp;

	&nbsp;

	Dozger di danişînê de mutalaya xwe ya berê da bû, dubare kir û xwest Kandemîr bê cezakirin. Parêzerê Kandemîr, ji bo ku muwekîlê wî li dijî mutalaya dozger parastina xwe bike, dem xwest.&nbsp;

	&nbsp;

	DELÎLÊN SÛC NEHAT DÎTIN

	&nbsp;

	Dadgehê daxwaza parêzer red kir. Parêzer Kandemîr li ser vê yekê li dijî mutalaya dozger parastin kir û got: “Muwekîlê min hevserokatiya DBP’ê ya başêr dikir. Derbarê wî de tu delîlên sûc nenatin dîtin. Di dosyeyê de, tişteke şênber ku bibe sûc tuneye. Muwekîlê min sûc nekiriye û daxwaza beraeta wî dikim.”&nbsp;

	&nbsp;

	Şandeya dadgehê, piştî navberek kurt, bi sûcdariya “endamtiya rêxistinê” 6 sal û 3 meh cezayê girtîgehê li Kandemîr birî.&nbsp;

	&nbsp;