
Li Şirnexê sînevîzyona komploya 15’ê Sibatê hat nîşandan 

2021-02-08 14:58:16


	&nbsp;

	ŞIRNEX - TJA'yê bi boneya 22’emîn salvegera komploya 15’ê Sibatê ya li dijî Rêberê PKK’ê Abdullah Ocalan, sînevîzyonek da nîşandan.&nbsp;

	&nbsp;

	Tevgera Jinên Azad (TJA) li Şirnexê bi boneya 22’emîn salvegera komploya 15’ê Sibata 1999’an a li dijî Rêberê PKK’ê Abdullah Ocalan pêk hat, li avahiya HDP'a Şirnexê bi tevlîbûna Dayîkên Aştiyê û Meclîsa Jinên HDP'ê bi dirûşma "Em tecrîdê dişkînin, jiyana azad ava dikin, nirxê xwe diparêz in" sînevizyonek derbarê komploya 15'e Sibatê da nîşandan.&nbsp;

	&nbsp;

	Beriya nîşandana sînevîzyonê ji bo kesên di têkoşîna azadî û demokrasiyê de canê xwe ji dest dane rêz hat girtin. Pişt re aktîvîsta TJA'yê Zozan Aksû axivî. Aksû bal kişand ser komploya 15'ê Sibatê û got: "Di şexsê birêz Ocalan de gelên Tirkiyeyê hemû hatin tecrîdkirin. Li dijî tecrîdê û komployê berxwedan mafê herî rewa ye. Em weke TJA'yê her tim li dijî her cûreyên tecrîdê bisekinin."&nbsp;

	&nbsp;

	Piştî axaftinan sînevîzyona li ser pêvajoya komploya 15’ê Sibatê hatibû amadekirin hat nîşandan. Nîşandana sînevîzyonê bi berzkirina dirûşmeya "Bijî Serok Apo" bi dawî bû.&nbsp;

	&nbsp;