Dadgehê derbarê 29 siyasetmedaran de biryara dewama girtinê da 2021-02-08 17:10:30 ENQERE - Dadgeha Cezayê Giran a 22’yemîn a Enqereyê derbarê 29 siyasetmedarên girtî yên di çarçoveya dosyeya Kobanê de tên darizandin biryara dewama girtina wan da.  Gelek siyasetmedarên kurd ji “Îdianameya Kobanê” tên darizandin. 29 siyasetmedar girtî jê tên darizandin. Lêkolîna ewil a dosyeya 29 siyasetmedarên di çarçoveya “Îdianameya Kobanê” ku ji aliyê Serdozgeriya Komarê ya Enqereyê ve hatiye amadekirin û ji aliyê Dadgeha Cezayê Giran a 22’yemîn a Enqereyê ve hat pejirandin di 5’ê sibatê de hat kirin. Siyasetmedarên di çarçoveya dosyeyê de girtî tên darizandin ev in: Hevserokên Giştî yên HDP’ê yên berê Selahattîn Demîrtaş û Fîgen Yuksekdag, Hevşaredarê Qersê Ayhan Bilgen, Hevseroka Berê ya DBP'ê Emine Ayna, Parlamenterên HDP'ê yên berê Ayla Akat Ata, Beyza Ustun, Îbrahim Bînîcî, Aysel Tûglûk, Berdevkê HDP'ê yê berê Gunay Kubilay, Rêveberê HDP'ê Alp Altinors, Rêveberê HDP'ê Nazmî Gur, endamê RTUK'ê Alî Urkut, Hesapgirê HDP'ê yê berê Zekî Çelîk, Rêveberê HDP'ê yên berê Bulent Barmaksiz, Can Memiş, Cihan Erdal, Îsmail Şengul, Mesut Bagcik, Bircan Yorulmaz, Dîlek Yagli, Pervin Oduncu, Zeynep Olbecî, Berfin Ozgu Kose û Ayşe Yagci, Meryem Adibellî, Nezîr Çakan, Hevşaredara Amedê ya berê Gultan Kişanak, Hevseroka DBP’ê ya berê Sebahat Tuncel.    Dadgehê derbarê biryara Dadgeha Mafê Mirovan a Ewropayê (DMME) ya derbarê Demîrtaş de dabû got girêdana vê birayê nîne.   Dadgeha Cezayê Giran a 22’yemîn li ser dosyeyê lêkolîn pêk anî û di encamê de derbarê siyasetmedaran hemû de biryara dewama girtinê da.    Parêzerên siyasetmedarên girtî dê di rojên pêş de li dijî biryarê îtîraz bikin.