
Rojnamevan Kamer cara duyemîn hat beraetkirin  

2021-02-09 13:01:22


	&nbsp;

	AMED – Rojnamevan Hatîce Kamer a piştî ku Dadgeha Îstînafê biryara xerakirina beraeta wê dabû, ji nûve hat darizandin. Kamer di danişîna ewil de dîsa hat beraetkirin.&nbsp;

	&nbsp;

	Rojnamevan Hatîce Kamer 5 sal berê wêneyên kongre û daxuyaniyên HDP’ê di hesabên xwe yên medya civakî de belav kiribû. Ji ber van parvekirinan derbarê Kamer de bi îdiaya “propaganda rêxistinê kiriye” doz lê hatibû vekirin. Dadgeha Amedê derbarê Kamer de biryara beraetê dabû. Piştî ku Dadgeha Îstînafê biryara beraetê xera kiribû Kamer dîsa li Dadgeha Amedê hat darizandin. Danişîna ewil a doza Kamer li Dadgeha Cezayê Giran a 8’emîn a Amedê hat lidarxistin. Kamer û parêzera xwe Pelda Vezek di danişînê de amade bûn.&nbsp;

	&nbsp;

	XWEST WERE BERAETKIRIN&nbsp;

	&nbsp;

	Kamer di danişînê de destnîşan kir ku wê bi armanca belavkirina agahî ango nûçeyan di hesabê xwe yê medya civakî de parve kiriye û tu armancek wê propaganda bike tune ye û xwest were beraetkirin.&nbsp;

	&nbsp;

	Dozger biryara xwe pêşkêşî dadger kir û diyar kir ku îdiayên li ser Kamer nabin sûc û xwest were beraetkirin.&nbsp;

	&nbsp;

	Şandeya dadgehê destnîşan kir ku Kamer sûc nekiriye û derbarê wê de biryara beraetê da.&nbsp;

	&nbsp;