
5 welatên YE’yê: Komîteya Destûra Bingehîn a Sûriyeyê bi ser neketiye 

2021-02-10 09:49:43


	&nbsp;

	NAVENDA NÛÇEYAN – 5 Welatên Yekitiya Ewropayê, ragihandin ku Komîteya Destûra Bingehîn a Sûriyeyê, di amadekirina pêşnûmeya reformê ya Destûra Bingehîn de bi ser neketiye.&nbsp;

	&nbsp;

	Welatên Yekitiye Ewropayê (YE) Fransa, Estonya, Îrlanda, Almanya û Belçîka, derbarê hevdîtinên Komîteya Destûra Bingehîn a Sûriyeyê ku li bajarê Cenevre yê Swîsreyê dihatin lidarxistin de daxuyaniyeke hevpar dan. Welatan, diyar kir ku heta niha 5 tûrên hevdîtinan pêk hatine û komîte di amadekirina pêşnûmeya reformê ya Destûra Bingehîn de bi ser neketiye û komîte nikare berdewam bike.&nbsp;

	&nbsp;

	REJÎMÊ SÛCDAR KIRIN

	&nbsp;

	Di daxuyaniya xwe de welatan bêyî ku qala rola “muxalefetê” bikin bal kişandin ser rola neyînî ya rejîmê ya di hevdîtinan de û ev tişt gotin: “Rejîma Sûriyeyê astengkirina xwe ya pêvajoyê didomîne û bi awayekî çêker nêzî pêşniyarên muxalîf û Nûnerê Taybet ê Sûriyeyê nebûye. Di encamê de hê jî pêşnûmeyeke reforma Destûra Bingehîn tuneye. Ji bo hevdîtineke din jî dîrokeke ku hatiye plankirin li holê tuneye. Wiha nikare bidome.”

	&nbsp;

	NÛNERÊ TAYBET JÎ HEMAN PEYAMÎ DABÛ

	&nbsp;

	Beriya niha Nûnerê Taybet ê Sûriyeyê yê Neteweyên Yekbûyî (NY) Geir Pedersen jî ragihandibû ku bêyî “dîplomasiya çêker a navneteweyî” nê pêkane ku hevdîtinên Komîteya Destûra Bingehîn pêk were û xwestibû rêbaza xebatê ya komîteyê bê guherandin.&nbsp;

	&nbsp;

	&nbsp;