
Hevşaredar 8 meh in di hefsa malê de ne: Li holê îdianame nîne  

2021-02-10 10:17:10


	&nbsp;

	&nbsp;

	SÊRT - Hevşaredara Sêrtê Berîvan Helen Işik, Hevşaredarên Hawêl Ramazan Sarsılmaz û Ozden Gulmez û Hevşaredarê Misircê Baran Akgul yên ji wezîfeyê hatin girtin û qeyûm danîn şûna wan 8 meh in di hefsa malê de tên ragirtin.&nbsp;

	&nbsp;

	Li ser fermana Wezareta Karên Navxweyî di 15’ê Gulana 2020’an de Hevşaredarên Sêrtê Berîvan Helen Işik û Peyman Dara Turhan, Hevşaredarên Navçeya Hawêl Ramazan Sarsılmaz û Ozden Gulmez û Hevşaredarên Navçeya Misircê Baran Akgul û Esmer Baran yên HDP’yî ji wezîfeyê girt û qeyûm danî şûna wan. Bi vê biryara ji wezîfeyê dûrxistinê bi îdiayên “propaganda rêxistinê kirine”, “endamên rêxistinê ne” û “dewlet û saziyên dewletê biçûk xistine” hatibûn binçavkirin.&nbsp;

	&nbsp;

	HEFSA MALÊ&nbsp;

	&nbsp;

	Hevşaredar û xebatkarên Şaredariya Eşref Tekîn û Gulçîn Konnaş û Resûl Kaçar ê ji bo hevşaredariyê hat bijartin û ji ber îxrackiribû nehat bijartin yên hatibûn binçavkirin di 19’ê gulanê de derxistin dozgeriya Sêrtê. Tûrhan, Baran, Tekîn, Konnaş û Kaçar bi şertê kontrola edlî hatin berdan û Işik, Gulmez, Sarsilmaz û Akgul jî bi biryara “hefsa malê” hatibûn berdan.&nbsp;

	&nbsp;

	8 MEH IN ÎDIANAME NEHATIYE AMADEKIRIN&nbsp;

	&nbsp;

	Serdozgeriya Komarê ya Sêrtê 8 meh in lêpirsîna derbarê hevşaredaran û xebatkaran de bi dawî nekiriye û Hevşaredara Sêrtê Berîvan Helen Işik, Hevşaredarên Hawêl Ramazan Sarsılmaz û Ozden Gulmez û Hevşaredarê Misircê Baran Akgul 8 meh in di hefsa malê de tên ragirtin.&nbsp;

	&nbsp;

	DAXWAZA PARÊZERAN TÊ REDKIRIN&nbsp;

	&nbsp;

	Parêzerên hevşaredaran her meh serî li dadgehê didin ku biryara hefsa malê were rakirin lê ev daxwaza parêzeran tê redkirin.&nbsp;

	&nbsp;

	ROJÊ DU CARAN KARMEND DIÇIN MALA WAN&nbsp;

	&nbsp;

	Hevşaredara Hawêl Ozden Gulmez diyar kir ku îradeya gel ji aliyê qeyûman ve hatiye desteserkirin û yên îradeya gel destesr kirine 8 meh in hevşaredaran di hefsa malê de radigirin. Gulmez anî ziman ku serê sibehê û êvarê karmend du caran diçin mala wê û îmze dide wan û bi vê yekê re ew û malbata xwe tev bêzar bûne.&nbsp;

	&nbsp;

	‘SÛCEK HEBÛYA WÊ ZÛVE ÎDIANAME AMADE BIKIRINA’&nbsp;

	&nbsp;

	Gulmez da zanîn ku yên derbarê wan de biryara hefsa malê dane hêj îdianameyê amade nekirine û got: “Îdianameya bi tu awayî nehat amadekirin, hatiye asta polîtîkaya acizkirinê. Em êdî bi awayek fermî dibînin ku darizandin bi fermanan tê kirin. Em bi dengê gel hatin û me ji bo xelkê xwe xizmet kir. Sûcek jî li holê nebû ku me ji wezîfeyê girtin. Heke sûcek hebûya wê zûve îdianame amade bikirina.”&nbsp;

	&nbsp;

	RÊJEYA DENG GIRTINA HDP’Ê&nbsp;

	&nbsp;

	HDP di hilbijartina xwecihî ya 31’ê Adara 2019’an de li Sêrtê ji sedî 48,36, li navçeya Hawêl ji sedî 27,74, li navçeya Misircê ji sedî 50,08 bi ser ketibû.&nbsp;

	&nbsp;