
9 sal ceza li Hevseroka HDP’a Rezanê ya berê hat birîn

2021-02-10 13:26:45


	AMED – Dadgehê bi îdiaya “endamtiya rêxistinê” 9 sal cezayê zîndanê li Hevseroka Rêxistina HDP’a Rezanê Arzû Karaman birî.&nbsp;

	Danişîna biryarê ya doza Hevseroka Rêxistina HDP’ê ya Navçeya Rezana Amedê ya berê Arzû Kahraman ku bi îdiaya “endama rêxistinê ye” dihat darizandin li Dadgeha Cezayê Giran a 9’emîn a Amedê hat lidarxistin. Karaman beşdarî danişînê nebû û parêzerê wê Fadil Yildiz di danişînê de amade bû.&nbsp;

	&nbsp;

	Dozger biryara xwe ya di danişîna beriya viya de eşkere kiribû dubare kir û xwest Karaman were cezakirin.&nbsp;

	&nbsp;

	Parêzer Fadil Yildiz li dijî biryara dozger parastina miwekîla xwe kir û diyar kir ku ew biryara cezakirinê ne rast dibînin û îdianame ji “bibire, kopî bike û bizeliqîne” pêk tê. Yildiz anî ziman ku miwekîla wî di çarçoveya xebatên partiya xwe yên siyasî de xebat birêve biriye û xwest miwekîla wî were beraetkirin.&nbsp;

	&nbsp;

	Piştî navberek kurt şandeya dadgehê bi îdiaya “endamtiya rêxistinê” 9 sal cezayê zîndankirinê li Arzû Karaman birî û biryara berdewamkirina şertê kontrola edlî jî da.

	&nbsp;

	&nbsp;