
Danişîna Dr. Gokalp dest pê kir 

2021-02-10 15:29:32


	&nbsp;

	AMED -&nbsp;Danişîna ewil a doza derbarê Endamê Lijneya Rûmetê ya Bilind a TTB’ê Dr. Şeyhmûs Gokalp ku di çarçoveya lêpirsîna KCD’ê de girtî tê darizandin dest pê kir.&nbsp;

	&nbsp;

	Derbarê Endamê Lijneya Rûmetê ya Bilind a Odeya Tabîbên Tirk (TTB) Dr. Şeyhmûs Gokalp de ku di çarçoveya lêpirsîna Kongreya Civaka Demokratîk (KCD) de girtî ye bi hêceta “endamtiya rêxistinê” doz lê hatibû vekirin. Danişîna ewil a doza derbarê Gokalp de hatiye vekirin, li Dadgeha Cezayê Giran a 10'emîn a Amedê dest pê kir. Di danişînê de Gokalp û parêzerên wî Ziynet Ozçelîk, Bariş Yavûz, Kerem Altiparmak amade bûn.

	&nbsp;

	18 KES GIRTIN EYWANÊ

	&nbsp;

	Seroka Konseya Navendî ya TTB’ê Şebnem Korûr Fîncanci û endamên TTB’ê, Serokê Konseya Navendî yê serdema beriya niha Sînan Adiyaman, Hevberdevkê berê yê Kongreya Demokratîk a Gelan (HDK) û Edîtorê Kovara Hekîman Onûr Hamzaoglû, Serokê duyemîn ê TTB’ê Alî Îhsan Okten, Hevserokê Giştî yê KESK'ê Mehmet Bozgeyîk, Hevseroka Giştî ya SES’ê Selma Atabey û Parlementerê HDP’ê yê Êlihê Necdet Îpekyuz jî di nav de 18 kes beşdarî danişînê bûn.

	&nbsp;

	PARLEMENTER NEGIRTIN EYWANÊ

	&nbsp;

	Serokên Odeyên Tabîban ên Amed, Stenbol, Enqere, Îzmîr, Edene, Mûgla, Eskîşehîr, Wan, Dîlok, Mêrdîn, Êlih, Şirnex, Riha û Mersînê yên ji bo piştenaviya Gokalp hatin û nûnerên rêxistinên sivîl ên civakî yên Amedê li korîdorê sekinîn. Parlementera HDP’ê ya Amedê Semra Guzel negirtin eywanê. Hat dîtin ku polîsan li ber deriyê eywanê û korîdorê bergirîyeke zêde girtine. Şandeya Dadgehê, tevlîbûna zêde hêcet nîşan da û hin rojnamevan girtin hundir. Piştî ku hûrguliyên îdianameyê hatin xwendin, derbasî parastinan bûn.&nbsp;

	&nbsp;

	Danişîn bi parastina Gokalp û parêzerên wî didome.

	&nbsp;