
Hevşaredarê Êlihê Mehmet Demîr hat berdan 

2021-02-12 11:55:12


	ÊLIH – Derbarê Hevşaredarê Êlihê Mehmet Demîr ê qeyûm danîbûn şûna wî biryara berdanê hat dayîn.&nbsp;

	&nbsp;

	Wezareta Karên Navxweyî, Hevşaredarê Êlihê Mehmet Demîr ji wezîfeyê girtibû û Waliyê Êlihê wek qeyûm danîbû şûna wî. Demîr bi îdiaya “endamê rêxistinê ye” girtî dihat darizandin. Danişîna sêyemîn a doza Demîr li Dadgeha Cezayê Giran a 3’yemîn a Êlihê hat lidarxistin. Demîr bi rêya dîmen û deng (SEGBÎS) ji Girtîgeha Amedê Tîpa D beşdarî danişînê bû.&nbsp;

	&nbsp;

	Parêzerên Demîr, malbata wî û Cîgirê Hevserokên Giştî yê HDP'ê Salîm Kaplan ê ji Rêveberiyên Xwecihî Berpirsiyar, Hevşaredara Êlihê Songul Korkmaz a qeyûm danîn şûna wê, Hevserokê Rêxistina HDP'ê yê Êlihê Omer Kulpu danişînê şopandin. Dadgehê derbarê Demîr de bi şertê kontrola edlî biryara berdanê da.&nbsp;

	&nbsp;

	'ÎQTIDAR BIRYARÊ DIDE'

	&nbsp;

	Mehmet Demîr parastina xwe bi kurmancî kir û destnîşan kir ku biryarên derbarê wî de hatine girtin hemû di bin kontrola îqtidara siyasî de pêk hatine û li şûna dadgeh li gorî yasayan tevbigerin lê veguheriye qada cezakirinê.&nbsp;

	&nbsp;

	Dozger xwest Demîr girtî were darizandin.&nbsp;

	&nbsp;

	Parêzerên Demîr parastina miwekîlê xwe kirin û xwestin dema girtinê li ber çavan were girtin û bê berdan.&nbsp;

	&nbsp;

	Şandeya dadgehê derbarê Demîr de bi şertê kortola edlî û qedexeya derketina derveyî welat biryara berdanê da û danişîn taloqî 4'ê hezîranê kir.&nbsp;

	&nbsp;