Bariş: Divê her kes xwedî erk bin ku mafê Ocalan biparêzin'

2021-02-13 09:57:44


	STENBOL - Civaknas Azad Bariş, diyar kir sepandinên tecrîdê yên li dijî Ocalan, eyneya têkiliyên bi gelê Kurd re ye û wiha got: “Divê gelê me li dijî tecrîdê aştiyek bi rûmet biparêzin. Divê her kes xwedî erka hemwelatibûna ku mafê gerdûnî yên Ocalan biparêzin bin." 

	Rêberê PKK'ê Abdullah Ocalan 22 salin li Girtîgeha Ewlehiya Bilind a Tîpa F a Girava Îmraliyê girtî ye. Di 15'ê Sibatê de 22 sal di ser 15'ê Sibata 1999'an re derbas dibe. Piştî 9'ê Cotmehê Girtîgeha Girava Îmraliyê bi taybet hat avakirin û Ocalan şandin Girtîgeha Ewlehiya Bilind a Tîpa F a Îmraliyê. Li vir 22 salin Ocalan di tecrîdê de ye. Civaknas Azad Bariş, têkildarî polîtîkayên li dijî Ocalan û paradîgmaya Ocalan a Modernîteya Demokratîk pirsên Ajansa me ya Mezopotamya (MA) bersivand. 

	 

	Civaknas Azad Bariş, anî ziman ku ji ber geşedanên siyasî yên li Rojhilata Navîn pêş ketin, hêzên herêmî û navdewleti Ocalan kirin hedefa xwe û wiha got: "Piştî di 15'ê Sibata 1999’an de Ocalan radestî Tirkiyeyê kirin, pêvajo derbasî merhaleyek din bû. Divê em li pilanên pişt berdê binerin. Berê gelek caran li dijî Ocalan êrîşên suikastê pêk hatin. Lê bi ser neketin. Ji ber vê yekê hêzên navdewletî ketin nava liv û tevgerê û di sala 1998'an de Ocalan ji Sûriyeyê derxistin û di 15'ê Sibata 1999’an de jî radestî Tirkiyeyê kirin. Ji ber ku Ocalan û rêxistina xwe têkoşîna rizgariyê pêş dixist û hem jî bû kirdeyê têkoşîna çep û çînan. Vê hewldanê peymanên sedsalê kir mijara niqaşan. Li dijî pirsgirêkên dîrokî bû alternatifa çareseriyê. Dîsa li dijî pergala kapitalist bû rêxistinek civakî ya alternatif a azadiyê. Lê mixabin gelek kes zêde pêvajoya komplo fam nakin. Eger Ocalan baş bihata famkirin îro tecrîd nedihat vê astê." 

	 

	'NÊZÎKATIYA LI DIJÎ OCALAN NÊZÎKATIYA LI DIJÎ FIKRÊN WÎ NE' 

	 

	Bariş, anî ziman ku Ocalan ji çalakiyên Dih û Şemzinanê heta rizgarkirina Raqqayê li gel gelê Kurd bû rêberê gelên herêmê yê polîtîk û wiha lê zêde kir: "Îro Ocalan rêberê siyasî yê gelê Herêmê ye. Bi fikr û pêşniyarên xweyên çareseriyê û aktivizmên pêş xistine bûye hêz. Em qebûl bikin an nekin Ocalan li Rojhilata Navîn bûye rêberekî alternatif ê bîrdozî û tevgeran. Di Rojhilata Navîn de bûye rêberekî ku di nava bawerî, mezhep, gel, aborî, jin û ciwanan û hemû beşên civakê de fikra civaka alternatif û kolektif pêşdixe. Nerîna fikir û onto-politik a Ocalan ne tenê ji bo gelê Kurd e. Ji bo hemû gelên Rojhilata Navîn e. Dema em li hilberînên Ocalan ên 20 salên li Îmraliyê binerin em vê fikr û têkoşînê dibînin. Îro nêzîkatiya li dijî Ocalan di heman demê de nêzîkatiya li dijî fikr û projeyên wî ne. Em dibînin ku bi fikr û niqaşên xwe yên bi deh hezaran rûpel nivîsandine û analîz kirine derdikeve pêşberî me. Pêvajoya çareseriya aştiyê encama hewldan, têkoşîn û fikrên wî bûn. Ji ber vê yekê fikrên wî li dijî pergala modernîteya kapitalist fikrên pergala Moderniteya demokratîk ku alternatifa jiyana azad diafirîne ye." 

	 

	'OCALAN LI DIJÎ TÊKÇÛNÊ MÎNAK E'  

	 

	Bariş, da zanîn ku di fikr û hûrbûna xwe de bêtir têgehên “Komara Demokratîk", “Welatê hevpar", “Konfederalizma Demokratîk”, “Xweseriya Demokratik", “Neteweya Demokratîk" û “Moderniteya Demokratik" pêş xistin û îro “Modernîteya Demokratik" li dijî pergala “Modernîteya Kapitalist" pêş xistiye û got: "Ocalan bi fikra “moderniteya demokratik" li dijî tekçûna şarestaniyê mînak e. Modela Modernîteya Demokratîk, bi têgehên Civaka Demokratik, Eko-Endüstriyalizm û Konfederalizma Demokratîk bi ruh dike." 

	 

	Ocalan li girtîgehê di nava hûrbunek entelektueliyê de ye. Em dibînin ku gelek zorên pir mezin derbas kirine. Em dibînin ku di van şertên zor de hevî û baweriya xwe parastiye û tiştê ne pêkan bi ser xistiye. Ocalan hem ji bo dîroka mirovahiyê û hem jî ji bo azadkirina erdnîgariyê pêşengiyek pir mezin dike. Tenê kesên bindest hişyar nekiriye. Di heman demê de xistiye nava tevgerê û rêxistinê. Navenda  nirxên Rojhilat û Rojava ji nûve dihûne û dirêse."  

	 

	15'Ê SIBATÊ HER ROJ NÛJEN DIKIN

	 

	Azad Bariş, da zanîn ku 22 sal borîn, lê hêj 15'ê sibatê rojane ye û her roj 15'e Sibatê rojane dikin û wiha berdewam kir: "15'ê Sibatê di xweseriya Îmraliyê de her roj nûjen dikin. Ev tenê bi tecrîda li Îmraliyê ne bi sînor e. Ev bandora xwe li ser hemû beşên civakê jî dike. Tirkiye bi îzolasyon û tecrîdkirina Ocalan ne tenê hiqûqa gerdûnî, di heman demê de destûra bingehîn ya xwe jî binpê dike. Li gel mafê Ocalan ê zagonî heye ku bi malbat û parêzerên xwe re hevdîtin bike, ev mafê wî tê binpêkirin. Ev nişan dide ku ev ne welatê demokratîk e. Ne li gorî pîvanên hiqûqê, li gorî bernameya siyasî ya AKP-MHP’ê nêzî Ocalan dibin. Ev nîşan dide ku bi şer xwe bi rêve dibe. Wekî stratejiya herba taybet tecrîdê pêş dixin. Nêzîkatî û sepantinên li dijî Ocalan eyneya têkiliyên bi gelê Kurd re ye. Dema em li tecrîdkirina Ocalan û dirokê dinerin, efsaneya navdar a Prometheus tîne bîra mirovan. " 

	 

	Bariş, bal kişand ser nêzîkatiya Ocalan ku çiqas girîngiyê dide Aştiyê û wiha pêde çû: "Ocalan di hemû jiyana xwe de, hemû hewldan û lêgerînên wî yên çareseriyê li ser rê û rêbazên aştiyane û demokratîk in. Ev di hemû jiyana wî ya siyasî de heye. Li dijî "Şer" û "Bê hafizekirinê" girîngiyê dide “Aştî" û "Rû bi rûbûnê".  Ev israra wî ji bo vê axê şensek gelek mezin e. 

	 

	Girtîgeha Îmraliyê ji girtîgehê zêdetir bûye labaratuvara şerê taybet û derûnîu. Îmralî bûye navenda pevçûna navbera aştî û şer. Ji ber tekoşîna Ocalan îro hem gelên herêmê, hem baweriyên cuda, hem karker û hem jî jin bûn xwediyê destkeftiyên gelek mezin. Paradigmaya Ocalan îro ji bo gelê herêmê bûye çareseriya xeta sêyemîn. Ji ber li dijî peşeroja gelan xwedî berpirsiyarek dirokî ye di vê xetê û paradîgmayê de israr dike. Dema em li paradigmaya Bakur û Rojhilatê Sûriyeyê dinerin, em dikarin hêsantir ideayên siyasî yên Rejîma Baas û El Qaide fam bikin. Em dibînin gelên herêmê li dora vê paradigmayê kom dibin. Gelê herêmê li dora vê paradigmayê ji nûve hev has dikin û hembêz dikin. Ji ber têkoşîna Ocalan a polîtîk, gelên herêmê, bawerî, çîn, jin û ciwan bûn xwedî destkeftiyên gelek mezin. " 

	 

	'DIVÊ HER KES TÊKOŞÎNA LI DIJÎ TECRÎDÊ JI BO XWE BIKE ERK' 

	 

	Civaknas Azad Bariş, herî dawî wiha got: "Divê her kes ji bo tecrîdkirina Ocalan bi dawî bibe têbikoşe.Divê gelê me li dijî tecrîdê aştiyek bi rûmet biparêzin. Divê her kes xwedî erka hemwelatibûna ku mafê gerdûnî yên Ocalan biparêzin bin. Ji ber tu tecrîdkirina Ocalan û pergala li Îmraliyê tê afirandin, piştî demekê îxharcî hemû welêt dike û li hemû welat belav dike. Îmrali bo helwesta hişk û otoriter kirine herêmek pilot û navendî. Cerebeyên 22 salan ên Îmraliyê vê yekê nîşan dide. 

	 

	Dema bi Ocalan re diyalog pêş ket, li welat şer û pevçûn daket asta herî jer. Lê dema diyalog qut bû, şer û kuştin derket asta herî jor. Ji ber vê yekê girîngiya diyalogê aşkere derdikeve holê. Aktorkekî ku xwedî rola kîlîdê ye, ji bo gelê Tirkiyeyê jî şensek mezin e. Divê ev tecrîda 22 salan bi lez bi dawî bibe û dîsa masa aştîyê bê avakirin. Ev ji bo hemû gelan fêde ye. Ji ber vê yekê divê mirov bi hafizaya dîrokî dîsa li meseleya Ocalan binere û gavan bavêje. Çawa ku Mandela bi fikrên xwe yên geş wekî Tata'yê (Bavê) Parzemîna Bejayî, dîrok tev li hev kir, Ocalan jî wekî Apo'yê Rojhilata Navîn di dîrokê de şop hişt. Vê şopê geş dike. Çawa kes nikare rol û rista Mandela înkar bike, nikare ya Ocalan jî înkar bike." 

	 

	MA / Nacî Kaya