
Li 3 bajaran pêla operasyonê: Bi dehan kes hatin binçavkirin 

2021-02-13 12:49:26


	NAVENDA NÛÇEYAN – Li Dîlok, Edene û Mêrsînê li dijî rêveber û endamên HDP’ê û DBP’ê operasyon hatin kirin û gelek kes hatin binçavkirin.&nbsp;

	Li Dîlok, Edene û Mêrsînê vê serê sibehê polîsan bi ser malên rêveber û endamên Partiya Demokratîk a Gelan (HDP) û Partiya Herêmên Demokratîk (DBP) de girtin û li malan lêgerîn pêk anîn û gelek kesan binçav kirin.&nbsp;

	&nbsp;

	Di serdegirtinên malan ên li Edeneyê de heta niha Endamê Meclîsa Ciwanên HDP’a Edeneyê Malzûm Gok jî di nav de 25 kes hatin binçavkirin.&nbsp;

	&nbsp;

	Hat zanîn ku di lêgerîna malan de bi kuçikan pêk hatiye û 5 kesên derbarê wan de biryara binçavkirinê heye ne li malên xwe bûne. Hêceta binçavkirinê nehat zanîn û binçavkiriyan birin Midûriyeta Polîsan a Edeneyê.&nbsp;

	&nbsp;

	LI DÎLOKÊ DERBARÊ 50 KESAN DE BIRYARA BINÇAVKIRINÊ&nbsp;

	&nbsp;

	Li Dîlokê jî polîsan bi ser gelek malan de girt û gelek kes binçav kirin. Di çarçoveya lêpirsînek ji aliyê Serdozgeriya Komarê ya Dîlokê ve tê birêvebirin de derbarê 50 kesan de biryara binçavkirinê heye. Piştî lêgerîna li malan rêveber û endamên HDP’ê û DBP’ê jî di nav de gelek kes hatin binçavkirin û wan birin Miduriyeta Polîsan a Dîlokê.

	&nbsp;

	LI MÊRSÎNÊ DU HUNERMEND HATIN BINÇAVKIRIN

	&nbsp;

	Li Mêrsînê jî muzîkjen Arîf Adali û Îsmaîl Înan di serdegirtina malên xwe de hatin binçavkirin. Hêceta binçavkirina muzîkjenan nehat zanîn û ew birin Miduriyeta Polîsan a mêrsînê.&nbsp;

	&nbsp;