
Komên çekdar li Serêkaniyê dest avêtin jineke Ereb  

2021-02-13 12:57:58


	&nbsp;

	NAVENDA NÛÇEYAN - Li Serêkaniyê ya ku TSK'ê û komên çekdar ên girêdayî wê dagir kiriye, dest avêtin jineke Ereb.

	&nbsp;

	TSK, OSO û MSO bi hevre di 9'ê Cotmeha 2019'an de li dijî Serêkaniyê ya Bakur û Rojhilatê Sûriyeyê şer dabûn destpêkirin. Bi tang, top û balafirên şer bajar bombe kiribûn. Di şer de bi sedan mirov hatin kuştin û bi sed hezeran mirov ji bajêr koç kirin. Dagirkeriya bajarê Serêkaniyê hêj didome. Hêj mirov tên kuştin û revandin. Dîsa komên çekdar ên girêdayî TSK'ê dest avêtin jineke Ereb. Çalakvanan li ser malperên tevna civakî wêneye jineke Ereb bi navê Ruqeye El-Bair belav kir û piştrast kirin ku endamên beşa istixbaratê ya Polîsa Leşkerî yên girêdayî TSK'ê ne, li bajarê Serêkaniyê dest avêtine jineke Ereb.&nbsp;

	&nbsp;

	Li gorî çalakvanan, Ruqeye ji hêla istixbarata leşkerî ya Tirkiyeyê ve hatiye revandin û çeteyên bi navên Sedûn Qeytûn û Ebdulrezaq El-Mewlûd dest avêtine wê. Çalakvanan bi bîr xist ku Sedûn Qeytûn ji gundewarên Idlibê û endamê istixbarata Polîsa Leşkerî ye. Ebdulrezaq jî ji Dêrazorê ye û endamê beşa erkên taybet a polîsên Serêkaniyê ye.

	&nbsp;

	&nbsp;