
Li Amedê protestoya 15’ê Sibatê

2021-02-15 15:04:09


	AMED – Hevserokên Giştî yên DBP’ê Salîha Aydenîz û Keskîn Bayindir û parlamenterên HDP’ê xwestin bi meşekê komploya navdewletî ya 15’ê Sibatê bi meşekê şermezar bikin. Polîsa destûra meşê neda, siyasetmedaran dest bi çalakiya rûniştinê kir.&nbsp;

	&nbsp;

	Partiya Herêmên Demokratîk (DBP) bi boneya şermezarkirina salvegera 22’yemîn a komploya navdewletî li dijî Rêberê PKK’ê Abdullah Ocalan pêk hat, xwest ji ber Buroya Peywendiyê ya Navenda Giştî heta avahiya Meclîsa Dayikên Aştiyê meşek li dar bixe. Ji saetên serê sibê ve polîsan bi maşîneyên zirxî derdora avahiya Buroya Peywendiyê ya Navenda Giştî ya DBP’ê dorpêç kir.&nbsp;

	&nbsp;

	Hevserokên Giştî yên DBP’ê Salîha Aydenîz û Keskîn Bayindir û parlamenterên HDP’ê jî di nav de koma xwest dest bi meşê bike lê polîsan pêşiya wan girt û meşê asteng kir. Di navbera siyasetmedar û polîsan de kêliyêk dirêj nîqaş dom kirin û li ser vê yekê siyasetmedaran dest bi çalakiya rûniştinê kir.&nbsp;

	&nbsp;

	Polîsan mudaxileyî welatiyên li derdorê xwestin piştevaniyê bidin meşê kir. Her wiha polîsan destûr neda rojnamevan ji nêz ve çalakiya siyasetmedaran bişopînin.&nbsp;

	&nbsp;

	Siyasaetmedaran bi boneya şermezarkirina helwesta polîsan li cihê lê hatin astengkirin çalakiya rûniştinê li dar xistin.&nbsp;

	&nbsp;

	&nbsp;