
Doza kuştina ciwanê ji Sûriyê hat taloqkirin  

2021-02-18 16:31:28


	&nbsp;

	EDENE – Danişîna doza derbarê polîsê Alî El Hemdan ê ji Sûriyeyê kuştibû hat lidarxistin. Danişîn bêyî parêzer û malbatê hat lidarxistin. Polîs F.K. ê kujer îdia dike ku mafê mirovan diparêz e.&nbsp;

	&nbsp;

	Li Edeneyê di 28’ê nîsana 2020’an de polîs F.K. bi çeka xwe Alî El Hemdan (17) ê ji Sûriyê kuştibû. Ji sûcê “bi qestî kuştin” derbarê polîs de doz hat vekirin. Danişîna sêyemîn a dozê li Dadgeha Cezayê Giran a 9’emîn a Edeneyê hat lidarxistin. Li eywana danişînê tenê polîsê kujer û parêzerê wî amade bûn. Mîna wek danişîna beriya viya dîsa malbat û parêzerên xwe beşdarî danişînê nebûn. Parêzerên Baroya Edeneyê, û Şaxên ÎHD’ê û ÇHD’ê yên Edeneyê, Komîsyona Hiqûqê ya HDP’ê û Serokê Giştî yê EMEP’ê Ercument Aydenîz dozê şopandin.&nbsp;

	&nbsp;

	Dadgehê daxwaza parêzerên Baro, ÇHD, ÎHD’ê ya daxiliyê red kiribû. Lê bavê Hemdan hemû parêzeran wek wekîlê xwe qebûl kiribû.&nbsp;

	&nbsp;

	Di danişînê de Ahmed El Hemdan ê şahid hat guhdarîkirin û bi rêya wergêr beyanên wî hatin wergirtin.&nbsp;

	&nbsp;

	Di danişinê de parastin hatin kirin. Polîs F.K. parastina xwe kir û îdia kir ku ew mafê mirovan diparêz e û li gel kuştinê jî xwe mafdar derxist.&nbsp;

	&nbsp;

	Dadgehê dewama girtina bersûc da û carek din daxwaza parêzeran a daxiliyê red kir. Danişîn taloqî 27’ê gulanê hat kirin.&nbsp;

	&nbsp;

	&nbsp;