
Xwendekaran banga îstîfayê li Melîh Bûlû kir  

2021-02-19 13:58:22


	&nbsp;

	STENBOL - Xwendekarên zanîngehê diyar kirin ku wê li dijî zextên desthilatiyê berxwedana xwe bidomînin û careke din bang kirin ku rektorê qeyûm Melîh Bûlû îstîfa bike.

	&nbsp;

	Xwendekarên zanîngehê bi civînek çapemeniyê rektorê qeyûm Melîh Bûlû yê AKP'î danîne ser Zanîngeha Bogazîçiyê protesto kir. Xwendekaran li Komeleya Mafê Mirovan (ÎHD) a Şaxa Stenbolê civîn li dar xist û pankarta “Hêza me di cihê xwe de ye, dilê me têr dike. Di serî de Melîh em ê we hemûyan rê bikin” daliqandin. Li ser navê xwendekaran, Xwendekarê Zanîngeha Stenbolê Cîhan Çîçek axivî.

	&nbsp;

	‘KESÊN LI BERXWE DIDIN DIKIN TERORÎST'&nbsp;

	&nbsp;

	Çîçek diyar kir ku çalakiya wan a di 4’ê çile de dest pê kir li gelek cihên welat û cîhanê belav bû û bal kişand ser zêdebûna zextên li ser xwendekaran. Çîçek anî ziman ku desthilatiyê bi hemû amûrên xwe xwendekar weke “terorîst” îlan kirine û wiha got: “Bi destê medyaya hawiz her roj kesên li ber xwe didin hedef tên nîşandan û bi gotina terorîstiyê asta êrişan mezintir dikin.”

	&nbsp;

	‘QEYÛM HEMÛ BILA ÎSTÎFA BIKIN’

	&nbsp;

	Çîçek da zanîn ku li gel êrişan jî berxwedana xwendekaran her ku çû zêde bû û got: “Êrişên wan bi serdegertinên malan û girtinan berdewam kirin. Em dipirsin; berxwedan bi zextên we dê biqede? Hêrsa me rêxistinkirina me ya li gel hev e. Di serî de Melîh û bila qeyûm hemû îstîfa bikin. Hevalên me yên girtî bila bên berdan. Lê tevî hemû zextan jî em ê têkoşîna xwe berdewam bikin."&nbsp;

	&nbsp;