
Dîmenên şikefta li Garê hatin weşandin  

2021-02-22 10:52:27


	&nbsp;

	NAVENDA NÛÇEYAN - Dîmenên ku operasyona TSK’ê bi 41 balafir, helikopter, SÎHA û yekîneyên taybet ku li Garê pêk anî hatin weşandin.&nbsp;

	&nbsp;

	Hêzên Çekdar ên Tirk (TSK) di 10’ê Sibata 2021’an de bi 41 balafir, gelek helikopter, SÎHA, û yekîneyên taybet ji bejahiyê û ji asîmanan ve li dijî herêma Garê ya girêday Başûrê Kurdistanê operasyon dabû destpêkirin. Operasyonê 4 rojan berdewam kir û di vê operasyonê de 13 leşker û polîsên di destê PKK’ê de û 3 eskerên derketin operasyonê hatin kuştin. Dîmenên bomberankirina şikefta ku operasyon lê hatibû lidarxistin hatin weşandin. Ajansa Nûçeyan a Firatê (ANF) dîmenên cihê operasyonê belav kir. Di dîmenan de tê xuyakirin ku şikefta ew leşker û polîsên tê îdiakirin “hatine înfazkirin” hatiye bombebarankirin. Di encama bombebaranê de ber deriyê ketina şikeftê hilweşiyaye.&nbsp;

	&nbsp;

	

	KELÛPELÊN LEŞKERAN LI DERDORÊ BELAV BÛNE&nbsp;

	&nbsp;

	Di dîmenan de tê dîtin ku ji ber bombebaranê çalên mezin vebûne, dar şewitîne û şopên roketan hene û gelek kelûpelên leşkeran û maskeyên gazê jî li wê derdorê belav bûne. Her wiha di dîmenan de tê xuyakirin ku li wê deverê bêr, giran, tevir û manivela û kîsên vala hene û balê dikişînin ser xwe.&nbsp;

	&nbsp;

	BANGA JI BO SAZIYÊN NAVDEWLETÎ&nbsp;

	&nbsp;

	Li aliyê din Endamê Konseya Rêveberiya KCK’ê Mûrat Karayilan bang li rêxistinên navdewletî dike û dibêje: “Bila werin li şikeftê nimûne ji cenaze û şikeftên bigirin û lêkolîn bikin.” Hat zanîn ku vê banga Karayilan îşev wê di Stêrk TV de were weşandin.&nbsp;

	&nbsp;

	Her wiha tevahiya dîmenên li Garê hatine girtin li ser malbera ANF’ê dikare were temaşekirin.&nbsp;

	&nbsp;