
HDP’a Cizîrê dersa kurdî da 

2021-02-22 15:12:01


	&nbsp;

	ŞIRNEX-Rêxistina HDP'ê ya Cizîrê, di çarçoveya 21'ê Sibatê Roja Zimanê Dayîkê ya Cîhanê de bi brnameyekê dersa kurdî da.

	&nbsp;

	Rêxistina Partiya Demokratîk a Gelan (HDP) a Cizîrê, di çarçoveya 21'ê Sibatê Roja Zimanê Dayîkê ya Cîhanê de li avahiya xwe bi tevlîbûna Parlementera HDP'ê ya Şirnexê Nuran Îmîr, endamên navend û navçeyên Şirnexê yên HDP’ê û mamosteyên Komeleya Ziman û Çandê ya Birca Belek bibernameyekê dersa kurdî da. Di bernameya de pankarta “Dar li ser koka xwe, mirov li ser zimanê xwe şîn dibe" hat vekirin.&nbsp;

	&nbsp;

	'BI SAYA DAYIKÊN ME ZIMANÊ ME HETA ÎRO HAT'&nbsp;

	&nbsp;

	Parlementera HDP'ê Nûran Îmîr, di bernameyê de axivî û diyar kir ku li dijî qirkirina zimanê kurdî têkoşîneke hevpar pêwîst e û wiha got: “21'ê sibatê li hemberî îmhakirin, tunekirin û tunehesibandinê roja têkoşînê ye. Li Tirkiyeyê zmanê kurdî nebûye zimanê fermî. Dema ku em îro lê dinêrin hemû sazî û dezgehên perwerdehiyê de perwerdehiya yek zimanî tê dayîn. Ev şerma herî mezin e. Lê tevî hemû polîtîkayên pişaftinê jî me têkoşîn da û bi saya dayîkên me, zimanê me û hebûna me heta roja îro hatiye.”&nbsp;

	&nbsp;

	'DIVÊ EM RÊ NEDIN POLÎTÎKAYÊN PIŞAVTINÊ'

	&nbsp;

	Di berdewamê de jî Îmîr, xwest ku li her qadan zimanê dayîkê bê axaftin û ev tişt anîn ziman: “Li Tirkiyeyê bi milyonan kurd dijîn, lê ji zimanê xwe bêpar in.Yek zarokê kurd perwerdehiya bi ziman neditiye. Em soz didin em ê di her şert û mercî de bibin şagirtên zimanê xwe. Divê her malekî em bikin dibistanên ziman û divê em rê nedin polîtîkayên tunekirinê.”

	&nbsp;

	'ZIMAN Û HEBÛNA KURD NAYÊ QEBÛL KIRIN'&nbsp;

	&nbsp;

	Piştî Îmîr mamosteyê Komeleya Ziman û Çandê ya Birca Belek Aydin Denîz jî axivî. Denîz, girtina sazî û dezgehên kurdî bi bîr xist û wiha got: “Ji ber girtina komeleyê xebatên me ji bo demekî sekinîn. Lê niha weke mamosteyên kurd em xebatên xwe didin meşandin. Lê mixabin ji aliyê dagirkeran ve ne zimanê kurdî û ne jî hebûna kurdî hîn jî nehatiye qebûlkirin. Lê em soz didin şehîdên xwe em ê têkoşîna ziman di her qadan de bidomînin. 21'ê Sibatê Roja Zimanê Dayîkê ya Cîhanê li tevahiya Cîhanê pîroz be."

	&nbsp;

	Piştî axaftinan perwerdehiya rêzimanê Kurdî hat dayîn.&nbsp;

	&nbsp;

	&nbsp;