
Ozel: Divê dewlet di doza Elçî de berpirsyartiya xwe bi cih bîne 

2021-03-03 15:37:17


	&nbsp;

	AMED - Cîgirê Serokê Koma CHP’ê Ozgur Ozel ê ku tevlî danişîna doza Tahîr Elçî bû qala berpirsyartiya dewletê kir û bang kir ku berpirsiyar hemû derkevin holê.&nbsp;

	&nbsp;

	Danişîna 2'yemîn a doza Serokê Baroya Amedê Tahîr Elçî ku di 28’ê Mijdara 2015’an de piştî daxuyaniyê li Minareya Çarl Ling a li navçeya Sûrê ya Amedê hatibû kuştin berdewam dike. Şandeya dadgehê ji bo nirxandina daxwaza tevlîbûnê û pirs jê kirina bersûcan navber da danişînê.&nbsp;

	&nbsp;

	Cîgirê Serokê Koma CHP'ê Ozgur Ozel û şandeya pê re jî beşdarî danişînê bûn. Ozel piştî navbera danişînê li pêş Edliyeya Amedê daxuyanî da. Ozel qala berpirsyartiya dewletê kir û bang kir ku bepirsiyar hemû derkevin holê.&nbsp;

	&nbsp;

	‘BEDELÊ HERÎ GIRAN DA’

	&nbsp;

	Ozel anî ziman ku lêgerîna edaletê ya Baroya Amedê ji bo pîşeya parastinê keleha herî girînge û wiha axivî: “Baroya Amedê li dijî binpêkirinên mafên mirovan her tim li cem mazlûman cih girtiye û li ber xwe daye. Ji van bedelan ê herî giran Tahîr Elçî daye. Tahir Elçî, qasidê aştiyê û parazvanê mafê mirovan bû. Piştî ku Elçî hat qetilkirin heta pêvajoya delîlên têkildarî kuştina wî, bendên ne diyar li pêş dozê hatin kişandin.”

	&nbsp;

	‘DIVÊ DEWLET PEYWÎRA XWE BIKE’

	&nbsp;

	Ozel da zanîn ku wê şopandina lêgerîna edaletê bidomînin û wiha got: “Hin berpirsyariyên dewletê hene. Berpirsyartiya dewletê ya herî girîng ewe ku hemû berpisryaran bi awayekî vekirî derxîne holê û ji bo edalet pêk were tişta bikeve ser milê wê pêk bîne. Dewlet vê tiştê bike wê gumanên ser xwe jî rake.”

	&nbsp;

	‘5 DOZGER HATIN GUHERTIN’&nbsp;

	&nbsp;

	Ozel bibîrxist ku di pêvajoya lêpirsîna Tahîr Elçî de 5 dozger hatin guhertin û axaftina xwe wiha bi dawî kir: “Di vê astê de rasterast derbasî parastina bersûcan bû, helwestek ku destûr neda aliyê teşekulê derkeve holê hebû û divê pir bihata nîqaşkirin. Îro jî em li vir in, dadgehê bi yek dengî ji wê helwesta xwe ya wê rojê vegerî. Ev geşedaneke girîng bû lê serkeftina raya giştî û civaka sivîl bû. Ev serkeftina dostên Tahir Elçî, malbat, baro û kesên Amed tenê ne hiştiye ye.”

	&nbsp;