
Di 28 salan de 38 helîkopter ketin an hatin xistin 

2021-03-06 11:02:25


	BEDLÎS - Bi helîkoptera du roj berê li Tetwanê ket re hejmara helikopterên di 28 salên dawî de ketin xwarê derket 38’an. Di ketina van kelîkopteran de 193 polîs û leşker mirin.&nbsp;

	&nbsp;

	Di 4’ê adarê de li bejahiya gundê Şamiran ê girêdayî navçeya Tetwana Bedlîsê helîkoptera leşkerî ya bi tîpa Cougar ket xwarê û di encamê de Korgeneralê Fermandariya Kolordiya 8’emîn a Xarpêtê Osman Erbaş jî di nav de 11 esker mirin û 2 esker jî birîndar bûn. Derdora gund ji aliyê leşkeran ve hêj dorpêçkirî ye û destûr nayê dayîn kes biçe cihê bûyerê. Ji bo girtina dîmen û wêneyan jî tenê tê hiştin ku nûçegihanê Ajansa Anadoluyê biçin cihê bûyerê û ji bilî wan destûra tu rojnamevanan nayê dayîn.&nbsp;

	&nbsp;

	Wezîrê Parastinê Hulusî Akar hat cihê bûyerê û lêkolîn pêk anîn û daxuyand ku helikopter di encama “qezayê” de ketiye xwarê û sedema teqez a ketina helîkoptere wê di encama lêkolînek hurgûlî de eşkere bibe. Di daxuyaniya duyemîn a Wezareta Parstinê de ku hat dayîn de hat gotin ku helîkopter ji ber “şertên hewayê yên neyînî” ketiye xwarê.&nbsp;

	&nbsp;

	HELÎKOPTERÊN HATINE XISTIN

	&nbsp;

	Nayê zanîn ku wê ka hurgûliyên lêkolîna hatiye kirin bi raya giştî re were parvekirin an na. Di salên berê de jî gelek bûyerên bi vî rengî qewimîbûn û têkildarî bûyeran lêkolîn hatin kirin lê encam nehat parvekirin. Di daxuyaniyên têkildarî ketina van helîkopteran du heta îro hatine dayîn de wek “qeza”, “şertên hewayê yên neyînî”, “xerabûna teknîkî” û “li têlên ceylanê asê mane” hatin ragihandin. Lê belê di gelek bûyeran ango ketina helîkopteran de derketibûn holê ku ji aliyê PKK’ê ve hatine xistin.&nbsp;

	&nbsp;

	Di 28 salên dawî de di serî de li herêmên şer û li gelek deveran 38 helîkopter ketin an jî hatin xistin. Di van helîkopterên ketin an hatin xistin de bi giştî 193 esker û polîs mirin e. &nbsp;

	&nbsp;