
Danişîna rojnameger Topaloglû û Eser hat dîtin

2021-03-09 11:18:07


	&nbsp;

	STENBOL – Danişîna doza nûçegîhanê Ajansa Mezopotamyayê Sadik Topaloglû û rojnameger Sadiye Eser ku ji “endamtiya rêxistinê” dihat darizandin hat dîtin.&nbsp;

	&nbsp;

	3’yemîn danişîna doza nûçegîhanê Ajansa Mezopotamyayê (MA) Sadik Topaloglû û rojnameger Sadiye Eser ku bi angaşta “endamtiya rêxistinê” dihatin darizandin, li 22’yemîn Dadgeha Cezaya Giran a Stenbolê ya li Çaglayanê hat dîtin. Topaloglû û Eser ku berdayî tên darizandin bi parêzerên xwe re tevlî danişînê bûn.&nbsp;

	&nbsp;

	Ozgur Baran ku li ser Topaloglû û Eser îfade daye û di danişîna beriya niha de derbarê wî de biryara “anîna bi zorê” hatibû dayîn jî tevlî danişînê nebû.&nbsp;

	&nbsp;

	Di danişînê de Topaloglû û Eser mafê axaftinê girtin û diyar kirin ku di vê pêvajoyê de tiştekî ku bibêjin tuneye. Parêzera Topaloglû Ayşe Acinikli, ji dadgehê xwest ku biryara qedexeya derketina derveyî welat a li ser muwekîlê wî bê rakirin.&nbsp;

	&nbsp;

	&nbsp;

	Piştî parastinê de heyeta dadgehê biryara xwe aşkera kir. Dadgehê, biryar da ku fermana “anîna bi zorê” ya ji bo Ozgur Baran careke din ji Miduriyeta Polisan re bê şandin û biryar qedexeya derketina derve ya li ser Topaloglû bê berdewamkirin û danişînê taloqî 8’ê hezîranê kir.&nbsp;

	&nbsp;