
Doza rojnamevan Evren hat taloqkirin 

2021-03-09 12:06:30


	&nbsp;

	AMED - Danişîna doza rojnamevan Kîbriye Evren hat lidarxistin û dadgehê doz taloq kir.&nbsp;

	&nbsp;

	Rojnamevan Kîbriye Evren bi îdiaya “endama rêxistinê ye” û “propaganda rêxistinê kiriye” tê darizandin. Danişîna 12’emîn a dozê li Dadgeha Cezayê Giran a 5’emîn a Amedê hat lidarxistin. Evren û parêzerên xwe Resûl Tamûr û Pîrozxan Karalî di danişînê de amade bûn.&nbsp;

	&nbsp;

	Evren di danişînê de parastina xwe û destnîşan kir ku ew Veysel Sonsûz ê li serê îfade daye nas nake û got: “Ez wî nas nakim. Çima îfadeyek wiha daye jî nizanim. Ez dixwazim werim beraetkirin.”&nbsp;

	&nbsp;

	Pişt re şahidê navê wî eşkere Veysel Sonsûz axivî û diyar kir ku îfadeyên di îdianameyê de berevajî îfadeyên wî ne û ew nebûye şahidê Evren ku di xebatek rêxistinî de cih girtiye.&nbsp;

	&nbsp;

	Pişt re dîsa Evren axivî û anî ziman ku ew li JinNewsê dixebite û di tu partiyek siyasî de wezîfe negirtiye û xwest şahida bi navê Gul Tanriverdî were guhdarkirin û dosyeyên ji Mêrsînê hatine bi vê dosyeyê re bibe yek.&nbsp;

	&nbsp;

	Pişt re parêzer Resûl Tamûr axivî û diyar kir ku ew beyanên li dijî miwekîla xwe qebûl nake û got: “Em dixwazin şahida nav vekirî Gul Tanriverdî bînin danişînê. Em dixwazin dosyeyên ji Mêrsînê hatine bi vê dosyeyê re bikin yek.”&nbsp;

	&nbsp;

	Şandeya dadgehê xwest derbarê şahidan de ka lêpirsîn heye an na ji Şaxa TEM’ê ya Amedê re were nivîsandin û danişînê taloqî 24’ê hezîranê kir.&nbsp;

	&nbsp;