
Li Amedê ‘ekîba taybet’ zextan li girtiyan dike!

2021-03-09 15:12:20


	&nbsp;

	AMED - Hat diyarkirin ku di hefteyek dawî de ji aliyê “ekîba taybet” ve bi ser qawîşên Girtîgeha Amedê ya Tîpa D ve hatiye girtin û lêgerîna bi hûrgulî pêk anîne. Li ser vê yekê Parlamenter Dersim Dag serî li Komîsyona Mafê Mirovan a Meclîsê da.&nbsp;

	&nbsp;

	Hat diyarkirin ku di demên dawî de bi ser qawîşên Girtîgeha Amedê ya Tîpa D ve tê girtin, zext û lêerîna bi hûrgulî li girtiyan tê kirin. Girtiyan ragihand ku di hefteyek dawî de binpêkirinên mafan zêde bûne û di van serdegirtina qawîşan de li ser wan lêgerîn pêk tê û dest danîne ser pirtûkên wan. Hat gotin tevî ku girtiyan bi îdareya girtîgehê re hevdîtin kirine jî lê binpêkirinên mafan berdewam dikin.&nbsp;

	&nbsp;

	‘EKÎBA TAYBET!’

	&nbsp;

	Girtiyan destnîşan kirin ku serdegirtin û lêgerîn ji aliyê “ekîba taybet” ve hatiye kirin û di dema serdegirtinê de wan provoke kirine û ji ber ew li dijî vê yekê derketine derbarê wan de lêpirsîn hatiye destpêkirin û bi girtina kalorîferan girtî hatine cezakirin.&nbsp;

	&nbsp;

	SERÎ LI MECLÎSÊ DA&nbsp;

	&nbsp;

	Parlamentera HDP’ê ya Amedê Dersim Dag li ser van îdiayan serî li Komîsyona Lêkolîna Mafê Mirovan a Meclîsê da û xwest li girtîgehê lêkolîn were kirin.&nbsp;

	&nbsp;