
Parêzerên Ocalan serlêdana hevdîtina lezgîn kirin

2021-03-15 15:19:54


	STENBOL – Parêzerên Rêberê PKK’ê Abdullah Ocalan, têkildarî parvêkirina angaştên li ser medya civakî ji bo bu ku bi awayekî lezgîn bi muwekîlê xwe re hevdîtin bikin serî li Serdozgeriya Komarê ya Bûrsayê û Wezareta Edaletê dan.&nbsp;

	Parêzerên Rêberê PKK’ê Abdullah Ocalan, Mazlûm Dînç, Raziye Ozturk, Îbrahîm Bîlmez û Newroz Ûysal, têkildarî angaştên ku li ser medya civakî &nbsp;hatine kirin, serî li Serdozgeriya Komarê ya Bûrsayê û Wezareta Edaletê da. &nbsp;Parêzeran ji bo ku bi muwekîlê xwe re hevdîtin bikin û vê daxwaza wan demildest bê qebûlkirin.&nbsp;

	&nbsp;

	SERLÊDAN TÊN REDKIRIN

	&nbsp;

	Parêzeran, di serlêdana xwe ya ku daxwaznameyê hat kirin de diyar kir ku piştî hevdîtina herî dawî ya di 3’ê adara 2020’an de bi malbatê re hatiye kirin, di 27’ê Nîsana 2020’an de bi telefonê bi birayê Ocalan re Ocalan re hevdîtin hatiye kirin. Parêzeran, destnîşan kir ku ji rojê ve hemû serlêdanên wan ên ji bo hevdîtinê û rêyên têkîlî danînê yên bi telefon û nameyan bi awayejî nehiqûqî ya hatine redkirin an jî bêbersiv hatine biştin.

	&nbsp;

	GEŞEDANA ERÊNÎ TUNEYE

	&nbsp;

	Di berdewama serlêdana xwe de parêzeran bal kişand ser rewşa ji ber pandemiyê û dane zanîn ku pêkanînên şertên hovane yên tecrîdê, şertên giravê, girtina dema dirêj û şertên heyî qedexeya îşkenceyê bin pê dikin û li gel pêşniyarên CPT’ê yên vê derbarê de jî geşedaneke neyînî neyatiye dîtin.&nbsp;

	&nbsp;

	DIVÊ DEMILDEST HEVDÎTIN PÊK WERE&nbsp;

	&nbsp;

	Parêzeran di serlêdana xwe de têkildarî angaştên li ser medya civakî yên derbarê muwekîlê xwe de jî ev tişt gotine: “Herî dawî di 14.03.2021’an de hin malperên nûçeyan û hesabên medya civakî, têkildarî jiyan û laşe muwekîlê me angaştên cidî kirine. Bêguman şertên tecrîdê rê didin nûçeyan bi vî rengî. Lê ji bo ku ev angaştên li ser me û malbatê bûne sedema gumanên mezin bên derbaskirin divê raste rast em hevdîtin pêk bînin. Di vê wateyê de divê demildest şertên hevdîtinê yên muwekîlê me yên malbat û parêzeran re bên avakirin û daxwaza me ya serdanê bê qebûlkirin.”&nbsp;

	&nbsp;