
Haci Zengîn li ser gora xwe hat bibîranîn  

2021-03-16 15:46:29


	&nbsp;

	STENBOL - Rêxistina HDP’ê ya Stenbolê, Haci Zengîn ê di pîrozbahiya Newroza 2012’an de di encama êrişa polîsan de jiyana xwe ji dest li ser gora wî ew bi bîr anî.&nbsp;

	&nbsp;

	Rêxistina HDP’ê ya Bajêr a Stenbolê, Haci Zengîn ê di pîrozbahiya Newroza 2012’an a Stenbolê de di encama êrişa polîsan de bi fişeka gazê jiyana xwe ji dest da li ser gora wî ew bi bîr anî. Komîteya Amadekar a Newroza Stenbolê îsal Newrozê diyarî bîranîna Haci Zengîn kir.&nbsp;

	&nbsp;

	Bîranîn li ser gora Zengîn a li Goristana Haraççi ya Arnavûkoyê pêk hat û Hevserokê HDP’a Stenbolê Erdal Avci, Endamê Desteya Rêveberiya Navendî (MYK) ya HDP’ê Ferhat Encu, rêveberên HDP’ê û ferdên malbata Zengîn beşdarî bîranînê bûn. Di şexsê Zengîn de ji bo tevahiya kesên di pîrozbahiyên Newrozê de jiyana xwe ji dest dane deqîqeyek rêz hat girtin.&nbsp;

	&nbsp;

	‘EZ BI BAVÊ XWE SERBILIND IM’&nbsp;

	&nbsp;

	Kurê Zengîn, Mehmet Bakî Zengîn di bîranînê de axivî û destnîşan kir ku wî dixwest îro bavê wî hebûya û zarokên wî kalikê xwe bidîtina û lê belê bavê wî ji wan kirin. Zengîn anî ziman ku bavê wî mirovek pir baş bû û ew bi ewladiya bavê xwe ser bilind e.&nbsp;

	&nbsp;

	‘JI BO ÎRO GELEK BEDEL HATIN DAYÎN’&nbsp;

	&nbsp;

	Hevserokê HDP’a Stenbolê Erdal Avci jî anî ziman ku ew li ber sekna bi rûmet a malbata Zengîn bejna xwe tewiînin û ew ê her layîqî vê seknê bimînin. Avci got Haci Zengîn ê duyemîn bû ku di pîrozbahiyên Newrozên li Stenbolê de jiyana xwe ji dest daye û hevalê wan din jî Yilmaz Gultekîn bûye. Avci da zanîn ku ji bo ew werin van rojan bedelên giran û zêde dane û ji bo daxwaza hevalên xwe ji dest dane pêk bînin ew ê di Newroza îsal de li Qada Yenîkapiyê cejna xwe pîroz bikin.&nbsp;

	&nbsp;

	‘EM XWEDÎ LI BEDELÊN XWE DERKEVIN’&nbsp;

	&nbsp;

	Endamê MYK'ê Ferhat Encu jî anî ziman ku ew di şexsê Zengîn de tevahiya cangoriyên Newrozê bibîr tînin û ew ê li dijî zilma Dehaqan her xwedî li berxwedana Newrozê derkevin û dê cangorî û bedelên xwe jîndar bikin. Encu xwest gelê kurd bi hişmendiya xwedî derketina li cangoriyên Newrozê û ruhê yekîtî û azadiyê biherikin qadên pîrozbahiyê.&nbsp;

	&nbsp;

	Piştî axaftinan beşdaran qerenfîl danîn ser gora Zengîn û bîranîn bi dawî bû.&nbsp;

	&nbsp;

	&nbsp;