
Parastvanên mafên mirovan piştgirî dan Gergerlîoglû

2021-03-19 12:53:09


	STENBOL – Parastvanên mafên mirovan, derbarê xistina parlamenteriya Parlamentera HDP’ê Omer Gergerlîoglû de ev tişt gotin: “Li dijî kesên ku dixwazin civakê mehkûmî derew û tarîtiyê bikin em li cem Gergerlîoglû ne.”

	&nbsp;

	Şaxa Komeleya Mafê Mirovan (ÎHD) a Stenbolê û Weqfa Mafê Mirovan a Tirkiyeyê (TÎHV), têkildarî xistina parlamenteriya Parlamentera HDP’ê Omer Gergerlîoglû li Şaxa ÎHD’ê ya Stenbolê civîneke çapameniyê li dar xistin û bertek nîşanî vê hewldana desthilatê dan. Li eywana ku civîn lê pêk hat pankarta “Em li cem Omer Farûk Gergerlîoglû ne, poarastvanên mafên mirovan nikarin bên bêdengkirin” hatin daleqandin.

	&nbsp;

	DARBEYA LI DIJÎ DAXWAZÊN DEMOKRATÎK&nbsp;

	&nbsp;

	Di civînê de Endamê TÎHV’ê Umît Bîçer axivî û diyar kir ku li dijî muxalefetê siyaseta hiqûqa dijminane tê meşandin û ev pêkanînên siyasetê weke “sosreta hiqûqa” şîrove kir. Bîçer, destnîşan kir ku derbên giran li daxwazên demokratîk tên xistin û ev tişt got: “Ji ber ku parastvaniya mafê mirovan kiriye Omer Farûk Gergerlîoglû hatiye cezakirin. Ev jî nîşan dide ku dixwazin tevahiya civakê mehkûmî derew û tarîtiyê bikin.”

	&nbsp;

	BANGA PIŞTEVANIYÊ&nbsp;

	&nbsp;

	Bîçer, di dawiya axaftina xwe de da zanîn ku wê li dijî pêkanînên ku hiqûqê nas nekin bêdeng nemînin, weke parastvanên mafên mirovan bibine dengê heqîqetê, jiyana bi rûmet û bang li hemû kesên alîgirên demokrasiye kir ku li dijî neheqiyê piştevaniya Gergerlîoglû bikin.&nbsp;

	&nbsp;