
Daxwaza ‘edaletê’ ya Şenyaşaran di roja 12’emîn de ye   

2021-03-20 10:39:38


	RIHA - Malbata Şenyaşar, çalakiya xwe ya “Edaletê” ya li ber Edliya Rihayê, di roja 12’emîn de dewam dike.&nbsp;

	&nbsp;

	Têkoşîn edaletê ya malbata Şenyaşar a li ber Edliya Rihayê di roja 12’emin dewam dike. Berî hilbijartina giştî ya 24’ê Hezîrana 2018’an, li navçeya Pirsûs a Rihayê parêzvan û xizmên Parlamenterê AKP’ê yê Rihayê Îbrahîm Halîl Yildiz êrişî ferdên malbata Şenyaşar kiribûn, Hacî Esvet Şenyaşar û du kurên wî Adil û Celal Şenyaşar kuştibûn.&nbsp;

	&nbsp;

	Emîne Şenyaşar û kurê xwe Ferît Şenyaşar ji bo bersûcên malbatê bên girtin û darizandin û kurê wê yê girtî Fadil Şenyar bê berdan, berî 12 rojan li ber Edliya Rihayê dest bi çalakiya rûniştinê ya bi daxwaza “Edaletê” kirin.

	&nbsp;

	Malbat di saetên serê sibê de hat ber edliyê, dest bi çalakiya xwe kir. Dayika Şenyaşar a di çalakiyê de, bi dowîza “li nexweşxaneya dewletê, li ber çavên min hevjîn û zarokên min qetilkirin. Ez ji bo wan edaletê dixwazim” cardin bal kişand ser roja bûyerê.

	&nbsp;