
Li Agirî û Şirnexê pîrozbahiya Newrozê   

2021-03-20 21:43:13


	&nbsp;

	ŞIRNEX/ AGIRÎ - Li Şirnex û Agiriyê gel agir vêxist û Newrozê pîroz kir.&nbsp;

	&nbsp;

	Li navçeya Cizîr, Silopiya, Hezex û Qilebanê agir hat vêxistin û Newroz hat pîrozkirin.&nbsp;

	&nbsp;

	Li Taxa Cumhûriyet û Taxa Şehîd Harûn ên navçeya Silopiyayê agirê Newrozê hat vêxistin û gel li dor agir govend gerand. Li Taxa Cûdî ya Cizîrê û li gundên Ernabat û Gozikê jî gel agirê Newrozê vêxist.&nbsp;

	&nbsp;

	Her wiha rêvebirên HDP'ê li Taxa Yeniyê ya Hezexê jî tevî gel agirê Newrozê vêxistin. Li Taxa Yeşîlyûva ya Qilebanê jî fîşekên hewayî hatin teqandin û Newroz hat pîrozkirin.&nbsp;

	&nbsp;

	LI AGIRIYÊ PÎROZBAHÎ&nbsp;

	&nbsp;

	Li Taxa Îshak Paşa ya navçeya Bazidê ciwanan lastîk vêxistin û Newroz pîroz kirin. Ciwanan li dor êgir govend gerand û ji bo balê bikişînin ser tecrîda li ser Rêberê PKK'ê Abdullah Ocalan û çalakiyên greva birçîbûnê yên li dijî tecrîdê dirûşmeya "Bijî berxwedana zindanan" berz kirin.&nbsp;

	&nbsp;

	Piştî ku ciwan belav bûn, polîs hatin taxê û bi awayekî serobero bombeyên gazê reşandin.&nbsp;