
Derbare Newroza Amedê dest bi lêpirsînê kirin

2021-03-22 15:14:31


	&nbsp;

	AMED - &nbsp;Derbarê Newroza Amedê de, bi hinceta “propagandeya rêxistinê kirin” lêpirsîn hat destpêkirin. Hat diyarkirin ku 13 kesên di pîrozbahiyên duh de hatin binçavkirin, li Miduriyeta Polîsan tên girtin.

	&nbsp;

	Serdozgeriya Komarê ya Amedê, bi hinceta “propagandeya rêxistinê kirin” derbarê dirûşmeyên hatin berzkirin, poster û alên di Newroza li Amedê hatin vekirin de, dest bi lêpirsînê kir.&nbsp;

	&nbsp;

	GELEK KES HATIN DERPKIRIN

	&nbsp;

	Di nava rojê de, polîsan li bendên kontrolê yên diketin aliyê Zemrût Kent, Yenîhal û Rezan ên Parka Newrozê, kes binçav kirin. Di heman demê de, ciwanan piştî mîtîngê ji bo ku balê bikêşin ser tecrîd û çalakiya greva birçîbûnê dest bi meşê krin. Lê polîsan gelek kes derp kirin û binçav kirin. Di nava kesên hatin binçavkirin de zarokên 11 salî V.Ş. û 12 salî M.Ş. jî hebûn. Li bendên kontrolê yên polîsa welatiyê bi navê Ahmet Altun ê tîşortê ala Kurdistanê li ser bû, li xwe kiribû û welatiyeke berasteng bi lêdanê binçav kirin.&nbsp;

	&nbsp;

	13 &nbsp;KES DIBIN ÇAVAN DE NE

	&nbsp;

	Ji kesên di tevahiya rojê de hatin binçavkirin 35 jê di saetên êvarî de hatin berndan û 52 kes jî di saetên şevê de serbest hatin berdan. Hat destnîşan kirin ku 13 kes hîna jî li Miduriyetta Polîsan a Amedê tên girtin.

	&nbsp;

	&nbsp;